Қазығұрт ауданында республикалық «Ақберен» шығармашылық өнер байқауының аудандық кезеңі ұйымдастырылды. Ол іс-шара аудандағы М.Өтемісұлы атындағы жалпы білім беретін мектебінде өтті. Оған барлығы 8 бен11-сынып оқушылары арасынан 202 оқушы қатысты.
Байқаудың мақсаты – 8-11-сыныптың шығармашыл оқушыларының гуманитарлық-эстетикалық ғылымдар саласында кәсіптік қызметін таңдауға, шығармашылық қабілетті, өлең жазу, тапқырлық, дарындылығын таныту, олардың шығармашылық қабілеттеріне қолдау көрсетіп, ары қарай дамуына жол ашу. Жалпы 6 номинация шеңберінде өрбіген байқау нәтижесінде облыстық кезеңге бас жүлде алған оқушылар өткізілді.
Атап айтсақ, шешендік, білгірлік сайысы бойынша Ы.Алтынсарин атындағы жалпы білім беретін мектебінің 8-сынып оқушысы Аружан Бауыржан бас жүлдені жеңіп алып, облыстық кезеңге жолдама алды. Ал Көркемсөз оқу сайысы бойынша Қ.Әбдалиев атындағы жалпы білім беретін мектебінің 9-сынып оқушысы Абат Әбдіқадір жеңімпаз атанды.
Эссе жазу сайысы бойынша «Ащыбұлақ» жалпы білім беретін мектебінің 10-сынып оқушысы Сымбат Рахманберді, Ұлттық аспапта өнер көрсету сайысында Қ.Әбдалиев атындағы жалпы білім беретін мектебінің 8-сынып оқушысы Сахан Ибрахим бас жүлдені қанжығалады.
Ақындар айтысы «Жаңатірлік» жалпы білім беретін мектебінің 10-сынып оқушысы Қуаныш Аян, ал ақындар мүшайрасы сайысы бойынша Жамбыл атындағы жалпы білім беретін мектебінің 11-сынып оқушысы Ахан Ұлжалғас та бас жүлде иеленді.
