Мақтаарал ауданында «Intellectum DD2» Директорлар дебаты» турнирінің аудандық кезеңі ұйымдастырылды. Бұл турнир аудандағы Қ.Мүсірепов атындағы жалпы білім беретін мектеп базасында өтті.
Түркістан облысы білім басқармасының басшысы Ғалымжан Сұлтанбекұлының айтуынша, «Intellectum DD2» Директорлар дебаты» турнирінің аясында мектеп директорлар дебатында нақты тақырып пен арнайы ережелер негізінде мектеп басшылары ой жарыстырып, өздерінің білімділігін, батылдығы мен әдептілігін көрсетулері керек. «Аудандық деңгейден өткендері облыстық байқауда өздерінің білім-біліктіліктерін сынайтын болады» дейді басқарма басшысы.
Бұл турнирдің Мақтарал ауданындағы кезеңінде пікірсайыста жүлделі І орынға ие болған «Ыбырай ізбасарлары» фракциясы – Қ.Қайсенов және Б.Соқпақбаев атындағы жалпы білім беретін мектептерінің директорлары Алма Каныбекова мен Нұржамал Примбекова облыстық кезеңге жолдама алды.
Жүлделі ІІ орынды иеленген «Ынтымақ» фракциясы – Ы.Алтынсарин және С.Торайғыров атындағы жалпы білім беретін мектептерінің директорлары Есенгелді Акназаров пен Ақмұрат Акназаров иеленді. Жүлделі ІІІ орынды иеленген «Жалын» фракциясы – Әл-фараби және М.Токжігітов атындағы жалпы білім беретін мектептерінің директорлары Сауле Сундетова мен Сара Омарбекова марапатталды.
Сонымен қатар, аталған дебат барысында номинация алған фракциялар да болды. Атап айтсақ, «Үздік спикер» номинациясымен «Ғалым» фракциясының спикері Абай атындағы орта мектептің директоры Талғат Ниязбеков, «Үздік оратор» номинациясымен «Ұлағат» фракциясының спикері М.Ғабдуллин атындағы орта мектеп директоры Жанат Айнабекова, «Дебаттық креатив» номинациясымен «Жігер» фракциясының спикері Жамбыл атындағы мектептің директоры Марат Сейдалиев марапатталды.
Ал «Ең сенімді ойыншы» номинациясымен «Алғыр» фракциясының лидері А.Тұяқбаев атындағы мектептің директоры Нұржан Алмаганбетов, «Ең білімді ойыншы» номинациясымен «Болашақ» фракциясының лидері «Мәдениет» мектебінің директоры Жанар Бейсенбаева, «Ең тапқыр ойыншы» номинациясымен «Бірлік» фракциясының спикері М.Тұрсын-Заде атындағы мектеп директоры Май Станислав, «Ең мақсатты ойыншы» номинациясымен «Жаңа жол» фракциясының лидері Қ.Аманжолов атындағы мектептің директоры Гулбану Жұмабекова, Абылайхан атындағы мектептің тарих пәні мұғалімі Бегалы Қожахмет «Үздік төреші» номинациясымен марапатталды.
