Қазұғырт ауданындағы білім ошақтарында түрлі іс-шаралар аудандық білім бөлімі тарапынан жоспарға сәйкес өткізілуде. Соның бірі 1-дәрежелі халықаралық спорт шебері, «Қазақстан Республикасы Білім беру ісінің үздігі», Қазығұрт ауданының Құрметті азаматы Барат Айдарқұловтың жүлдесіне арналған жасөспірімдер арасындағы І-республикалық турнир.
- Бүгінгі таңда ауданда спорт мектебі жұмысы жандана түскен. Оның қалыптасуына үлкен үлес қосқан азамат Барат Айдарқұлов. Арда азаматтың 75 жылдығына орай ауданда турнир ұйымдастырылып, оған республика көлемінен спортшылар қатысты. Ол осы бапкерлік саласында жүріп, 20-ға жуық спорт шеберлері мен спорт шеберлігіне үміткер боксшыларды дайындап, жаттықтырды. Сондай-ақ, облыс біріншілігінің, Қазақстан біріншілігінің, бірқатар Халықаралық турнирлердің жеңімпаздарын баптап, жеткізген бапкерге қандай құрмет көрсетсек те аздық етеді, - дейді аудандық білім бөлімінің мамандары.
Барат Айдарқұловтың 75 жылдық мерейтойына арнап ұйымдастырылған турнир жоғары дәрежеде өтіп, жастарды спортқа баулу, салауатты өмір салтын насихаттау тұрғысынан үлкен мән-мағынаға толы жарыс болды.
Бұдан бөлек, аудандық білім бөлімі мен аудандық жастар ресурстық орталығының ұйымдастыруымен, «Аналар асыл жандар» қоғамдық бірлестіктің қолдауымен «Президент Жолдауын қолдау, Мемлекеттік тіл тұғырымыз» атты тақырыб аясында мектеп оқушылары арасында жайдарман ойыны өтті.
Бұл, жайдарман ойынының мақсаты – жастардың жан-жақты шығармашылық қабілеттерін дамыту, жастардың бос уақытын тиімді пайдалану және бір-бірімен достық қарым-қатынасын нығайту болып табылады. Ол ойынға аудандағы Ащыбұлақ, Болашақ, Қ.Сәтпаев, Т.Рысқұлов атындағы орта мектептерінен құралған 5 команда қатысып, өзара бақ сынасты.
Әділқазылардың шешімімен ойын қорытындысында жоғарыда аталған мектеп оқушылары Меңлібай Сымбат, Сәуірбек Ерасыл, Серік Сәбит алғыс хаттарымен марапатталды. Ал жүлделі орындарға, атап айтсақ, 3 орын Қ.Сәтпаев атындағы мектеп-лицейге, 2 орын Т.Рысқұлов атындағы мектеп-лицейге, 1 орын Ащыбұлақ мектебіне берілді.
Жеңіс тұғырынан көрінген оқушылар мен мектеп оқушылары арнайы дипломдарымен, командалар арнайы кубоктармен марапатталды.
