Түлкібас ауданының білім бөліміне қарасты мектеп оқушылары түрлі байқауларда топ жарып, аудан намысын қорғап жүр. Соның ішінде жуырда аудандағы «Балалар өнер мектебі» би үйірмесінің оқушылары «Аққу» ІІ республикалық байқауға қатысып, жүлдемен оралған болатын.
Осы «Балалар өнер мектебінің» би үйірмесінің жетекшісі Дина Жоламанованың айтуынша, байқауда аудан оқушылары жақсы өнер көрсеткен.
Мемлекет басшысы Қасым-Жомарт Тоқаев Түркістан қаласында өткен ұлттық құрылтайда жастар мәселесіне кеңірек толғанып, оларға қолдау қажеттігін сөз еткен еді. Президент «Ел атын әлемге танытып жүрген жастар ұлттың рухын жаңғыртуда» деп ерекше атап көрсетті. Біз жастардың бойындағы өнер-білімге, ғылымға, жаңашылдыққа деген осы серпілістің қарқынын сақтай отырып, оны күшейтуіміз, дамытуымыз қажет. Мемлекет басшысы білімді дамыту арқылы ұлттың жаңа сапасын қалыптастыру керек» деп міндет жүктеді, мұны біз абыроймен атқаруымыз керек. республика деңгейінде ұйымдастырылған байқаудың мақсаты – оқушыларымыздың жан-жақты дамып, еліміздің ертеңі – жастардың рухани кемелденіп, рухы мықты, танымы мен тағылымы кең тұлға ретінде қалыптастыру. Біз оқушыларымызды сол рухта тәрбиелеп, жеңіске жеттік, - дейді Дина Балмагамбетқызы.
Оның басқаруындағы «Қаракөз» би ансамблі жуырда Шымкент қаласында өткен «Аққу» ІІ Республикалық би чемпионатында жүлделі бас жүлдені жеңіп алды. Сондай-ақ талай конкурстардың лауреаты атанып жүрген «Қаракөз» би ансамблінің жетекшісі ретінде де Д.Жоламанова «Үздік хореограф» дипломымен марапатталды.
