Ордабасы ауданындағы мектептердегі мектеп даярлық тобының мұғалімдері арасында «ашық есік» күні ұйымдастырылды. Аудандық білім бөлімінің әдіскері Гүлраушан Досқараның айтуынша, аудандық білім бөлімінің жоспарына сәйкес мектепке дейінгі тәрбие мен оқытудың үлгілік оқу бағдарламасын, мектепке дейінгі тәрбие мен оқытудың мемлекеттік жалпыға міндетті стандартын орындау семинарда басшылыққа алынған.
- Бүгінгі күні тәрбие мәселесіне аса көңіл бөлініп келеді. Мектеп алды даярлық тобының мұғалімдеріне арналған семинар «Біртұтас тәрбие бағдарламасын» аясында «Ата-аналарды педагогикалық қолдау орталығынының» жоспарына сәйкес, ата-аналармен байланыс құрудың жолдарын үйрету, педагогтардың кәсіби шеберлігін арттыру мақсатын көздеп отыр. Оған аудандағы мектепалды сынып мұғалімдері және оқушылардың ата-аналарымен қатысты. Семинар «Ата-аналар мен тәрбиеленушілерді тәрбиелеу бойынша әдістемелік көмек көрсету жолдары» тақырыбында Б.Оңтаев атындағы жалпы орта мектебінің базасында Е.Ерназаров атындағы жалпы орта мектебінің ұйымдастыруымен «Ашық есік» күні аясында өткізілді, - дейді Гүлраушан Досқара.
Ол семинарды аталған мектептің директоры Барбол Бауыржан ашып берді. Ал мектептің педагог-психологы Айгүл Оңлабекова мектепалды даярлық тобының мұғалімдерімен «Мен ғажап, Сен ғажап, Ол ғажап» тақырыбында тренинг өткізді. Ал мектептің 2-сынып оқушылары мектеп дәлізде таңертеңгі жаттығуды әуезді әннің ырғағымен орындады.
Мектепалды сынып педагогы Сәуле Сапарова математика негіздерінен «7 саны» мен көркем әдебиеттен «Тату доспыз бәріміз!» ұйымдастырылған іс-әрекетті кіріктіре отырып ашық сабақ өткізді. Ата-аналармен оқушыларын серуенге алып шығып, бақылау, еңбек, ойын ұйымдастырды.
Мектепалды сынып педагогы Шынан Орынбасар болса сауат ашу сабағынан «І дыбысы мен әрпі» мен сөйлеуді дамыту сабағынан «Қазақстанның салт – дәстүрі» ұйымдастырылған іс-әрекетті кіріктіре отырып өткізді. Ата-аналармен «Бала тәрбиесі баршаға ортақ» тақырыбында шебер сынып ұйымдастырды. Ал бастауыш сынып пән мұғалімі Лескүл Алтынбекова мен Сандуғаш Есназарова эстафеталық сайыс пен шебер сынып сабағын ұйымдастырды.
Ашық есік күніне қатысқан педагогтар мен ата-аналар барынша сабақтар мен іс-шаралардың жоғары дәрежеде ұйымдастырылғанын айтып, ұстаздарға деген ыстық ықыластарын білдірді.
«Ашық есік» күнін аудандық білім бөлімінің әдіскері Гүлраушан Досқара қортындылап, әрбір күні ұйымдастырылатын іс-шараны дәл бүгінгідей көрнекіліктермен, бірнеше әдіс-тәсілдерді пайдалана отырып, ойын түрінде өткізуді атап өтті.
