Түлкібас ауданының білім бөлімі тарапынан ұйымдастырылып жатқан іс-шаралардың көлемі ауқымды. Аудандық білім бөлімінің әдістемелік кабинетінің әдіскері Назира Шолтаеваның айтуынша, аудан мектептерінде бір күнде бірнеше іс-шара жоспарға сәйкес ұйымдастырылған.
Атап айтсақ, білім бөлімінің жылдық жоспарына сәйкес, А.Оразбаева атындағы жалпы білім беретін мектеп базасында ағылшын тілі пәні педагогтерімен «Оқыту мен оқудағы жаңа әдіс – тәсілдерді ағылшын тілі сабақтарында пайдалану» атты тақырыбында оқыту семинары өткізіліпті.
- Мемлекет басшысы Қасым-Жомарт Тоқаевтың алдымызға қойып отырған тапсырмасы, білім саласында білікті маман, ұлтжанды азамат дайындау. Оқушыларға сапалы білім, саналы тәрбие беру. Осы мақсатта ұйымдастырылып отырған семинардың мақсаты – оқу үдерісінде мұғалімдерге әдістемелік тұрғыдан қолдау көрсетуде тәлімгерлік жұмысты жетілдіріп, оқыту мен оқу сапасын жақсартуға ықпал ету, - дейді Назира Шолтаева.
Ұлт ағартушысы Ахмет Байтұрсынов: «Ұстаз үздіксіз ізденгенде шәкірт жанына нұр құя алады», - деп айтқандай мектепте ағылшын тілі пән мұғалімдері тәжірибе алмасу шеңберінде сабақ өткен педагогтер практикалық жұмыстарды жұптық жұмыс түрінде, диалогтық оқу үдерісінде, жаңа формация педагогінің кәсіби түсінігін, тәжірибелік дағдыларын, оқытудың сапалы және табысты әдістерін қолдануда шеберліктерімен бөлісті.
