Түркістан қаласында өнеркәсіптік, кәсіпкерлік жобаларды жүзеге асыратын, инвесторларға барлық жағдай жасалатын «Turkistan» арнайы экономикалық аймағын инженерлік инфрақұрылыммен қамтамасыз етіледі.
Бұл жұмыстарды жобалаумен «Turkestan Engineering» ЖШС-гі айналысты. Жоба 6 кезекпен іске асырылады. Құрылыс-монтаж жұмыстарының жалпы құны– 14 635,6 млн. теңгені құрайды . Оның ішінде:
1-кезек (газбен қамту). АЭА (1-кезек) жұмыс жобасы бойынша сараптама қорытындысы алынды. Жалпы соммасы – 1 584,8 млн. теңге. Газ құбырларының жалпы ұзындығы – 25,4 шақырымды құрайды. Жоба құрылысы 2021 жылы басталған. Бұл мақсатта республикалық бюджеттен 2021 жылы 954,0 млн. теңге бөлініп, толығымен игерілді. Бүгінгі күні құрылыс жұмыстары 80%-ға орындалған.
2-кезек (жол бөлігі). Жол бөлігінің ұзындығы – 5,1 шақырымды құрайды. Нысан құрылысын бастауға 2023 жылға республикалық бюджеттен 745,8 млн. теңге бөлінді.
3-кезек (өрт сөндіру депосы, өткізу бекеті, абаттандыру, байланыс желісі, қоршау). Жалпы соммасы – 1 006,3 млн. теңге Жоба құрылысы 2021 жылы басталған. Бұл мақсатта республикалық бюджеттен 2021 жылы 656,9 млн. теңге бөлініп, толығымен игерілді. Бүгінгі күні құрылыс жұмыстары 82%-ға орындалған.
4-кезек (темір жол). Жалпы соммасы – 1 730,6 млн. теңге. Нысан құрылысын бастауға 2023 жылы облыстық бюджеттен 200,0 млн. теңге бөліну жоспарланған.
5-кезек (сумен жабдықтау және кәріз желілері). Бүгінгі таңда жоба әзірленуде. Жобаның болжамды құны – 1 300,0 млн. теңге. Жобаны іске асыруға 2023 жылы 1 300,0 млн. теңге қажет.
6-кезек (электрмен жабдықтау). Бүгінгі таңда жоба әзірленуде. Жобаның болжамды құны – 8 000,0 млн. теңге. Сараптама қорытындысын алу – 2023 жылға жоспарлануда. Жобаны іске асыруға 2023 жылы 8 000,0 млн. теңге қажет.