Түркістанда 101 жастағы майдангермен тағылымды кездесу өтті

image.png

Жеңістің 80 жылдығы қарсаңында Түркістан облысы Ордабасы ауданында  тағылымды шара өтті. Полиция департаментінің бастығы Мұрат Қабденов пен Түркістан облысының прокуроры Мұрат Тлеубердиев және жас сақшылар ғасыр куәсі болған Ұлы отан соғысының ардагері Қалмен Мұратұлының шаңырағында болып, мерекемен құттықтады.  

Сұрапыл соғыс даласына 8-сыныптан аттанған Қалмен Мұратұлы 1924 жылы өмірге келген. Майданда неміс басқыншыларымен ұрысқа түскен ол, 1944 жылдың ақпан айында Витебск қаласының маңында болған шайқаста сол қолынан жараланып, емге жіберіледі. Осылайша елге ІІ-топтағы мүгедек болып оралған. Кездесуге келген жас сақшыларға ардагер өзінің ерліктерін айтып, батасын берді. Бүгінде 101 жасты еңсерген қария 6 ұл, 2 қыз тәрбиелеп өсірген. Олардан 32 немере, 85 шөбере сүйіп отыр.

Генерал Мұрат Талапұлы  ғасыр жасаған майдангердің деніне саулық, отбасына амандық, құт-береке тілеп, сый-сияпатын табыстады. Өзінің өнегелі әңгімелерін жас сақшыларға арнаған қария, генерал бастаған ұжымға алғысын білдірді.

image.png


Мүмкін сізді қызықтыратын тақырыптар:

  • Әкім 101 жастағы соғыс майдангерін құттықтады
  • Қала әкімі тыл ардагерлерін Ұлы Жеңіс күнімен құттықтады
  • Түркістан облысында шіркейлерге қарсы кешенді дәрілеу жұмыстары жалғасуда
  • Түркістан облысында биыл 172 нысанның құрылысы жүргізілуде
  • Түркістанда 101 жастағы майдангермен тағылымды кездесу өтті
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер