Түркістан облысында Президент жолдауы бойынша тәртіп сақшыларына тапсырмалар берілді.
Жетісай аудандық полиция бөлімінің бастығы полиция полковнигі Әділбек Сапарбеков мәжіліс залында Президент жолдауы бойынша жиналыс өткізді. Жиынға жеке құрам қызметкерлері қатысты. Басты мақсат – жолдауға байланысты Ішкі істер саласына қатысты ақпараттарды айту.
Осы тұрғыда жиналыс барысында жолдаудың бағыттары жайлы жеке құрамға толық қанды ақпараттар берілді. Полицейлерге қатысты 5-бағдары бойынша Ішкі істер саласы жұмысының басымдылығына баса назар аудару керектігі айтылды. Яғни саланың барлық басымдылығына байланысты бөлім басшыларына тапсырмалар берді.
Сонымен қатар жеке құрамның идеологиялық тұрғыдан өз кәсіби шеберліктерін одан әрі жетілдіру, қоғамда ішкі істер саласына, заңға деген сенім мен қауіпсіздікті барынша насихаттау жайлы айтылды.
Ал облысымыздың полиция қызметкерлері түрлі қылмысты ашуда табандылық танытып, алдағы уақытта ел үшін аянбай еңбек етеді деп сенеміз.
Түркістан облыстық Полиция департаментінің баспасөз қызметі.