Автокөлік ұрлаған күдікті ұсталды

1505.jpg

Мемлекет басшысы Қасым-Жомарт Тоқаевтың Жарлығымен бекітілген он жобаның бірі – «Қауіпсіз ел» ұлттық жобасын жүзеге асыруды көздеген Түркістан облысының полицейлері автокөлік ұрлады деген күдікпен ер адамды ұстады.

Түлкібас аудандық полиция бөліміне аудан тұрғыны құны 350 мың теңге болатын "ВАЗ" маркалы автокөлігінің ұрланғаны бойынша арызданды. Жәбірленушінің айтуынша, танысы таңғы сағат 5:30 шамасында оның көлігін заңсыз айдап кетіп, белгісіз бағытқа жасырынған.

Жедел-іздестіру іс-шаралары барысында Түлкібас ауданының учаскелік полиция инспекторлары автокөлікті ұрлады деген күдікпен бұрын сотталған, жергілікті тұрғынды анықтады.

Белгілі болғандай, күдікті сол сәтте мас болған. Содан жеке тасымалдаумен айналысатын танысының көлігін күшпен тартып алып, қашып кеткен.

Бұл жайт Қазақстан Республикасы Қылмыстық кодексінің 200-бабы "Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу" бойынша тіркелді. Сотқа дейінгі тергеу амалдары жүргізілуде, оқиғаның толық мән-жайы анықталуда.


Мүмкін сізді қызықтыратын тақырыптар:

  • Ортақ міндет – өзара ынтымақ пен бірлікті сақтау
  • Білім мен тәрбие биігінен көрінген мектеп
  • Ұлттың бүгіні мен келешегі – білімді жастың қолында
  • Мемлекеттің бірден-бір бастауы – халық
  • Жемқорлық көріністері қоғам үшін жат құбылыс
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер