Ордабасы АПБ-ға жергілікті тұрғын арызданып келді. Ол азаматтың айтуынша күндізгі сағат 15:00 шамасында үйінің алдында тұрған «Форд фокус» маркалы автокөлігінің ішіндегі тұрған «Самсунг А6» ұялы телефонын жасырын жымқырып, жалпы 50 000 теңге шығын келтірген. Полиция қызметкерлері аталған жайтты ҚР ҚК-нің 188-бабы «Ұрлық» бойынша СДТТБТ-ға тіркеді.
Орын алған ұрлық қылмысын ашып, күдіктіні ұстау мақсатында аудандық полицейлерден жедел-тергеу тобы құрылды. Тәртіп сақшылары көрген-білгендерден жауап алып, қажетті шаралардың барлығын іске асырды. Жан-жақты тексеру жұмыстарының арқасында, күдікті азамат өз үйінен ұсталды. Ол жәбірленушінің көршісі болып шықты. Қазіргі таңда аталған жайтқа байланысты тергеу амалдары жүргізілуде. Күдікті азаматтың бас шарасы қолхатта.
Белгілі болғандай жәбірленуші азамат егістік алқапта жайылып жүрген малдарын көріп келіп, автокөлігін көршісінің есігінің алдында өсіп тұрған талдың көлеңкесіне қалдырып, үйіне кіріп кеткен. Автокөліктің терезе, есігінің ашық тұрғанын көрген күдіктінің арам ойы туындайды. Осылайша ұялы телефонды алып, үйіне жасырып қойған.
Өз кезегінде Түркістан облысының полицейлері тұрғындарға сақ болуды ескертеді. Автокөліктеріңіздің есік, терезесін жауып, дабылқаққыштар орнатуға кеңес береді. Егер, сіз, осындай ұрлық жайтының құрбаны немесе куәгері болсаңыз тез арада «102» нөмірі арқылы полиция қызметкерлеріне хабарласыңыз.
ТО ПД-нің баспасөз қызметі
