Спорт – қоғамдағы жалпы мәдениеттің бір бөлігі, адамның дене қабілеттерін дамыту мен денсаулығын нығайтуға бағытталған әлеуметтік қызметтің бір саласы. Жастардың жан-жақты дамуын спортсыз елестету мүмкін емес. Бір сөзбен айтқанда, спорт – барлық тәрбие атаулының бір саласы. Оның түп қазығы – қозғалыс, ал қозғалыссыз тіршілік жоқ. Осы тұста Түркістан облысының полицейлері карантин талаптарын қатаң сақтай отырып спорттық ойындарды жиі ұйымдастыруда.
Атап айтсақ, Сарыағаш АПБ-нің қызметкерлері «30 тамыз - Қазақстан Республикасының Конституциясы күні» мерекесіне орай қызметкерлер арасында спорттық іс-шара ұйымдастырды. Іс-шараның басы Жамбыл облысындағы жарылыстан қаза тапқандардың құрметіне 1 минуттық үнсіздікпен басталды.
Мерекеге орай арнайы өткізілген кіші футбол жарысына құқық қорғау мекемелерінің 8 командасы қатысты. Сондай-ақ орын алған командаларға арнайы жүлделер табысталды.
Түркістан полицейлері осындай спорттық ойындармен іс-шараларды алдағы уақытта да жоғары деңгейде өткізетіндерін айтты.
ТО ПД-нің баспасөз қызметі
