Заңсыз тапанша тәркіленді

Келестік полицейлер күні-түні қоғамдық қауіпсіздік пен елдің тыныштығын сақтау мақсатында, рейдтік-профилактикалық іс-шараларды өткізіп отырады. Қылмыстарды, құқық бұзушылықтарды болдырмау, жол апаттарының алдын алу мақсатында, тұрақты түрде жұмыстар жүргізіп келеді. Жедел басқару орталығымен де түрлі қылмыстар анықталып, ашылуда.  

image.png

Мәселен, Келес АПБ-не қарасты кіші жедел басқару орталығының кезекті жұмыс күнінде Шымкентке қатынайтын таксилер тұратын тұрақта, бір көлік жүргізушісінің басқаларға тапаншасын көрсетіп тұрған бейнежазбасын байқап қалады. Содан тұрғында қарудың қайдан жүргені, заңды немесе заңсыз екендігін анықтау мақсатында, сол аумаққа белгіленген учаскелік инспектор оқиға орнына шығып, іздестіру жұмыстарын жүргізеді.

Келес АПБ Жергілікті полиция қызметінің учаскелік полиция инспекторы полиция аға лейтенанты Мейіржан Тастемір, күмәнді  «Ниссан Тиано» маркалы көлікті табады. Оның көлігін тексеру кезінде заңсыз  «AGENT –Револьвер» маркалы тапанша атыс қаруы табылып, айғақты зат ретінде тәркіленіп алынады.  

Аталған жайт ҚР ҚК-нің 287-бабы «Қаруды, оқ-дәрілерді, жарылғыш заттарды және жарылыс құрылғыларын заңсыз иемдену, беру, өткізу, сақтау, тасымалдау немесе алып жүру» бойынша тіркелді. Күдікті тұрғын өз жауабында қаруды тауып алғанын жеткізді. Құжатсыз қару тәркіленіп алынып, сот-баллистикалық сараптама тағайындалды. Сараптама қорытындысымен тапаншаның газды атыс қару екендігі белгілі болды.  Ер адамның бас шарасы «қолхатта».

Жалпы Келес аудандық полиция бөліміне қарасты кіші жедел басқару орталығымен жыл басынан бері бұдан бөлек 2 қылмыстық құқық бұзушылық анықталған. Оның біреуінде жол-көлік оқиғасын жасап, қашып кеткен тұрғын құрықталса, екіншісінде Сарыағаш ауданында болған тонау қылмысына қатысты күдікті анықталып ұсталған. 

Өз кезегінде Түркістан облысының полицейлері қару мен оқ-дәрілерді заңсыз сақтау және алып жүргені үшін қылмыстық жауапкершіліктің қарастырылғанын еске салады. Тәртіп сақшылары облыс тұрғындарына ерікті түрде тіркелмеген қаруды ішкі істер органдарына тапсыруға кеңес береді. Егер де , сіз, қаруды заңсыз сақтау мен сату жайттары туралы ақпарат білсеңіз, тез арада полицияға хабарласыңыз.


ТО ПД-ның баспасөз қызметі


Мүмкін сізді қызықтыратын тақырыптар:

  • Түркістан облысының полицейлері жоғалған 16 жасар қызды тапты
  • Түркістан облысының полицейлері тұрғынның ақшасын күштеп алған күдіктіні анықтады
  • Түркістан облысының полицейлері жайылымнан мал ұрлағандарды қылмыс үстінде ұстады
  • Түркістан облысының полицейлері такси жолаушысынан 550 граммға жуық есірткі затын тапты
  • «Қызыл кітапқа» енген 8 ақбөкенді заңсыз атып алған браконьерлер анықталды
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер