Көлік жүргізушісінен есірткі табылды

Бәйдібек АПБ-ның ЖПҚ патрульдік полиция тобының инспекторы полиция лейтенанты Берік Райханов түнгі ауысымда патрульдеу жұмыстарында жүргенінде, кезекті заңға қайшы әрекет еткен тұрғынды анықтады. Полицей, түнгі сағат 02:00 шамасында Шаян ауылында жол бойында тоқтап тұрған көлікті көріп, күдік тудырғаннан кейін жанына барып, жүргізушінің жай-күйін сұрайды. Тексеру кезінде жүргізушінің қалтасынан қағазға оралған есірткіге ұқсас, өзіне тән хош иісі бар зат табылады. 

image.png

Тәртіп сақшылары аталған жайтты ҚР ҚК-нің 296-бабы «Есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау» бойынша СДТБТ-ға тіркеді. Жүргізушіден айғақты зат тәркіленіп, сараптамаға жолданды. Сараптаманың қорытындысына сәйкес, тәркіленген зат 3 грамға жуық «кептірілген марихуана» екендігі анықталды. Қазіргі таңда орын алған оқиғаға байланысты құжаттар жинақталып, тиісті шара көрілуі үшін іс өңделуде.  Одан бөлек, тұрғынның сол сәтте есірткілік мас күйде екендігі анықталды. Тергеу барысында күдікті азамат есірткіні өзі пайдаланбақ болғанын мойындаған. Бүгінгі таңда ер адамның бас шарасы қолхатта. 

Түркістан облысының полицейлері жергілікті тұрғындарға есірткі заттарын пайдалануға жол бермеуге, сондай-ақ азаматтарды зиянды әдеттерден бас тартуға және салауатты өмір салтын ұстануға шақырады. Оған қоса есірткі заттарының заңсыз айналымы үшін, қылмыстық жауапкершілік қарастырылғанын еске салады. Егер, сізде, есірткіні заңсыз сақтау және өткізу жайттары туралы қандай да бір ақпарат болса, дереу полицияға хабарласыңыз.


ТО ПД-ның баспасөз қызметі


Мүмкін сізді қызықтыратын тақырыптар:

  • Түркістан облысының полицейлері жоғалған 16 жасар қызды тапты
  • Түркістан облысының полицейлері тұрғынның ақшасын күштеп алған күдіктіні анықтады
  • Түркістан облысының полицейлері жайылымнан мал ұрлағандарды қылмыс үстінде ұстады
  • Түркістан облысының полицейлері такси жолаушысынан 550 граммға жуық есірткі затын тапты
  • «Қызыл кітапқа» енген 8 ақбөкенді заңсыз атып алған браконьерлер анықталды
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер