«Қызыл кітапқа» енген ақбөкеннің мүйіздерін заңсыз сатқан браконьер құрықталды

Сарыағаш АПБ-нің қызметкерлеріне белгісіз біреулердің  «Қызыл кітапқа» енген ақбөкен жануарының мүйізін заңсыз сатумен айналысып жатқаны  жайлы шұғыл ақпарат түседі. Аталған жайтты сарыағаштық полицейлер ҚР ҚК-нің 339-бабының 1 бөлігі «Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу»  бойынша тіркеп, іздестіру  жұмыстарын жүргізді.

image.png

Нәтижесінде Сарыағаш АПБ мен Ұлттық қауіпсіздік комитетінің қызметкерлері бірлесіп,  тәулік ішінде қылмысқа қатысы бар  браконьерді  ұстады. Сондай-ақ  күдікті азаматтың  үйінен айғақты зат ретінде 35 келі  болатын ақбөкен мүйіздері  тәркіленді.   Келтірілген шығын көлемі 5 миллион теңгеге жуық.

Белгілі болғандай  сезіктінің  Қарағанды  облысының  жергілікті тұрғыны екені анықталды.  Бүгінгі таңда  күдікті азамат  Сарыағаш аудандық полиция бөліміне жеткізіліп, сотқа дейінгі тергеп-тексеру амалдары жүргізілуде. Ұсталған ер азамат қолхатта. Тергеу барысында оқиғаның толық мән-жайы анықталатын болады.  

Түркістан облысының полицейлері тұрғындардан және қонақтардан табиғатты қорғау заңнамасын бұзбауға және құрып кету қаупі төніп тұрған «Қызыл кітапқа» енген жан-жануарлар мен өсімдіктерге құрметпен қарауға шақырады. 

                               

 ТО ПД-нің баспасөз қызметі

Мүмкін сізді қызықтыратын тақырыптар:

  • Қызмет бабында қаза болғандардың жұбайларына құрмет көрсетілді
  • Бір күнде 4 ұрлыққа қатысты күдіктілер ұсталды
  • Түркістандық полицейлер республикалық сайыстан жүлдемен оралды
  • Түркістанға арнайы мамандар келді
  • Төлеби ауданындағы жер дауы Мұрат Қабденовтың бақылауында болады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер