Түркістан облысы Полиция департаменті Кадр саясаты басқармасы бастығының орынбасары полиция полковнигі Нұрғали Болсынов, Түркістан қалалық ардагерлер ұйымының төраға орынбасары Бақытжан Бейсенбаев, Түркістан қаласы Ішкі істер органдары, ардагер Батырхан Сансызбаев және Түркістан қаласы полиция басқармасының қызметкерлерімен бірге мереке кезінде Тыл еңбеккерлері мен Ішкі істер органдарында қызмет етіп, зейнетке шыққан ардагерлерді құттықтап қайтты. Яғни ардагерлер Шаймерден Айтпенбетов пен Сайдулла Масадыков ағаларымыздың үйіне барды. Оларға Ішкі істер органдарының құттықтау хаты мен бағалы сыйлықтарын табыстап, мерекелік лебіздерін білдірді.
«Сіздердің осынау еңбектеріңіздің арқасында біз бейбіт күнде өмір сүріп жатырмыз. Заман дамып, жеңістің туы желбірегеніне де биыл 77 жыл толып отыр. Сіздердің ерен еңбектеріңіз бен көрсеткен ерліктеріңіз үшін рақмет!» - деп тәртіп сақшылары өздерінің алғыстарын білдірді.
Өз кезегінде тыл еңбеккерлері мен ішкі істер органдарының зейнеткерлері полицейлерге ризашылықтарын білдіріп, жұмысттарына табыс тіледі. Халықтың арасындағы алтын көпір болып жүрулеріне тілекші екендіктерін айтты.
Түркістан облысы ПД баспасөз қызметі