Байланыс операторы тарифтерінің бағасы көтерілгеніне шағымдана бастаған қазақстандықтардың сөзінен кейін Бәсекелестікті қорғау және дамыту агенттігі жағдайды зерттеуге кірісіп кетті. Агенттік мамандары тексерісті Beeline-нан бастады. Қазіргі таңда аталған байланыс операторының 2024 жылға арналған байланыс қызметтеріне баға динамикасы тексеріліп жатыр.
"Beeline ("КаР-Тел" ЖШС) желтоқсан айының соңында 2025 жылдың ақпанынан бастап тарифтерін көтеретінін хабарлады. Осыған орай, Бәсекелестікті қорғау және дамыту агенттігі (БҚАО) ұялы байланыс операторының әрекетіне қатысты тексеруді бастады", – делінген хабарламада.
Мәліметке сәйкес, Бәсекелестікті қорғау және дамыту агенттігі оператордан өзгерістердің негізділігін талдау үшін құжаттарды сұрады.