Ақын Мұхтар Шахановтың жары белгілі ғалым, педагог Розалинда Әшірбайқызы Шаханова дүниеден өтті.
Қаралы хабарды Қазақ ұлттық қыздар педагогикалық университетінің баспасөз қызметі жеткізді.
"QyzPU Басқарма Төрағасы – Ректор Гүлмира Қанай университет ұжымы мен білім алушылары белгілі ғалым, педагог Розалинда Әшірбайқызы Шаханованың дүниеден өтуіне байланысты туған туыстары мен жақындарына көңіл айтады", – делінген хабарламада.
Айта кетейік, Розалинда Шаханова – 1951 жылы Павлодар қаласында дүниеге келген. QyzPU-дың "Орыс тілі мен әдебиеті" мамандығына түсіп, оны 1974 жылы тәмамдаған. Бес жылға жуық орта мектепте тәрбиеші және орыс тілі мен әдебиеті мұғалімі болып жұмыс істеген.