Маңғыстау, Түркістан және Қызылорда облыстарында ауа райына қатысты дабылды ескерту жарияланды.
26 қаңтарда Маңғыстау облысының кей жерлерінде тұман, көктайғақ болып, оңтүстік-батыстан және батыстан 15-20 м/с дейін жел соғады деп күтілуде. Ал, Ақтау қаласында 26 қаңтарда күндіз оңтүстік-батыстан және батыстан жел соқса, оның екпіні 15-20 м/с дейін жетеді. 26 қаңтарда Түркістан облысының кей жерлерінде түнде және таңертең қалың қар жаууы мүмкін. Кей жерлерде тұман, көктайғақ, бұрқасын байқалып, оңтүстік-батыстан соғатын жел 15-20 м/с дейін күшейеді. Шымкент және Түркістан қалаларында түнде және таңертең тұман түседі. Қызылорда облысының кей жерлерінде 26 қаңтарда тұман, көктайғақ, бұрқасын күтілуде. Оңтүстіктен және оңтүстік-батыстан жел соғады, оның екпіні күндіз 15-20 м/с, кей жерлерде – 23 м/с дейін жетеді.
