14 ақпанда сағат 11:00-де Шымкент қаласының жаңа әкімі Мұрат Әйтенов "Түркістан" сарайында есеп береді. Бұл туралы қала әкімі аппаратының баспасөз қызметі мамандары хабарлады.
"Түркістан" сарайында тағайындалғанына бір ай да толмаған Әйтенов өзіне дейінгі екі әкімнің – Ғабидолла Әбдірахымов пен Ерлан Айтахановтың басшылығымен атқарылған жұмыстардын есебін баяндайды. Сондықтан мегаполис тұрғындарын өткен жылдың есебі есебі емес, жаңа басшының биылға жобалаған жоспары көбірек қызықтыруы мүмкін.
Бұған дейін де әкімдер ел алдындағы қорытынды есебін "Түркістан" сарайында беріп келген. Өйткені Асқар Мырзахметов облыс әкімі болып тұрғанда салынып, пайдалануға берілген ғимарат әкімдіктің дәл жанында, таяқ тастам жерде орналасқан. Кең залына мың адамға дейін сыяды.
