Шымкент: Жыл соңына дейін 9 мектеп пайдалануға беріледі

Бүгін  қала әкімі Мұрат Әйтенов Шымкенттегі жаңадан бой көтеріп жатқан білім ошақтарының құрылысымен танысты.

3752592b-3a87-4ec3-9da3-41eb9765f274.jpg

Мұрат Әйтенов алдымен Арғынбеков көшесінің бойынан салып жатқан 1200 орындық мектептегі құрылыс барысын көрді. Бүгінде  «Атамекен корпорациясы» құрылысын жүргізіп жатқан ғимараттың  қабырғасы көтеріліп, шатыры жабылған.  3 гектар жерге орналасқан мектептің құрылысына 1 млрд. 900 млн теңге қарастырылған. Мердігер компания нысанды қыркүйек айында тапсыруды жоспарлап отыр.

Қала әкімі  одан соң Асар-2 шағын ауданында бой көтеріп жатқан 1200 орындық мектепке барды. Іргетасы қаңтар айында қалана бастаған білім ошағы жоспар бойынша желтоқсанда бітуі тиіс. Құрылысты жүргізіп жатқан «МК технострой сервис» компаниясының өкілдері пандемияға байланысты елдегі төтенше жағдай кезінде  ғимараттың сыртқы қасбетіне қойылатын керамогранитті Ресейден алдыру қиын болып жатқанын алға тартты. Қиын тұста көмектесуге әзір екенін айтқан Мұрат Дүйсенбекұлы мұндай  құрылыс заттарын отандық өнімдерден алуға ұсыныс берді.

Содан кейін қала басшысы Самал-3 шағын ауданындағы №6 емхана маңынан бой көтеріп жатқан мектеп құрылысының барысымен танысты.  Құрылысына бюджеттен 2 миллиардқа жуық қаржы бөлінген білім ошағы санаулы күнде дайын болады екен.  Жаңа ғимаратты аралап көрген Мұрат Дүйсенбекұлы мектепті жақын күндері қабылдап, қыркүйекте оқушыларды қабылдауға дайындауды тапсырды.

Биыл Шымкентте 9 мектепті пайдалануға беру көзделіп отыр. Оның үшеуі 1200 орындық жаңа мектеп болса, бесеуі 300 орындық қосымша құрылыс. Тағы біреуі 100 орындық саз мектебі болмақ.

Мүмкін сізді қызықтыратын тақырыптар:

  • Елбасы туралы жаңа деректі фильм көрсетіледі (видео)
  • Шымкентте шағын инвазивті ота жасау бойынша шеберлік сабақтары өтуде
  • Мемлекет басшысы Павлодар облысының әкімін қабылдады
  • «Зиянды өндірістік факторларымен жұмыс атқаратын жұмысшылардың міндетті медициналық тексеруден өткіз
  • Назарбаев Елбасы ретіндегі миссиясын атады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер