Шөкеев Түркістан облысында газ бар үйлердің бәрін тексеруді тапсырды (видео)

Жақында Түркістанда бір отбасының бес мүшесі газдан улану себебінен қаза болған еді. Алдағы бір апта ішінде аталмыш аймақтағы әрбір үйдің газ құрылғылары жаппай тексеріледі, деп хабарлайды AstanaTV.

Шөкеев.jpg

Марқұмдар туған жері Қызылорда облысында жерленді. Мамандар бес адам газдан уланған болуы мүмкін деп топшылап отыр. Газ пештің орнатылуы талапқа сай болмаған. Қазір мердігер мекеменің монтаж жұмыстарын тексеру басталды.  Құзырлы орган осы оқиғаға байланысты қылмыстық іс қозғады. Ал аймақ басшысы өңірде газ тұтынатын барлық үйдің пеші мен құбырын жаппай тексеруді тапсырды.

- Барлық әкім газ бар үйдің барлығын тексеріп шығыңыздар. Шұғыл! Газды орнатқан мекеме мамандары жауапқа тартылады, – деді Өмірзақ Шөкеев.

Мамандардың дерегінше, аймақта жылыту маусымы басталғалы өрт қауіпсіздігін сақтамаған 45 мыңнан астам дерек анықталған.

Қаралы отбасыға әкімдік тарапынан қаржылай көмек беріледі. Мемлекеттік қызметкерлер 1 күндік жалақысын аудармақ. Демеушілер есебінен қосымша 7 млн теңге көмек көрсетіледі.

Мүмкін сізді қызықтыратын тақырыптар:

  • Бұдан былай вакцина салдыру міндеттеле ме?
  • Мəдениет жəне спорт министрі Ғазиза Əбдінәбиеваның отбасына көңіл айтты
  • Қорғаныс министрлігі: қазақстандық әскерилер Мәскеудегі шеруге бармайды
  • «Пандемия теңізге шығатын жолы жоқ елдерге теріс әсер етті» - Цой
  • Түлкібас: Шақпақ баба ауылдық мәдениет үйінде жарамазанды насихаттау шарасы өтті
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер