Бұдан былай вакцина салдыру міндеттеле ме?

Коронавирусқа қарсы вакцина салдыру міндеттеледі. Бұл туралы Шымкенттің бас дәрігері Бақытжан Позилов айтты, деп хабарлайды AstanaTV.

вакцина салу.jpg

Бұл Үкіметтің 12 сәуірде жариялаған №173 қаулысында да көрсетілген. Бірақ Денсаулық сақтау министрлігі осы уақытқа дейін «екпе тек ерікті түрде салынады» деген болатын.

- Күні кеше ғана вакцинаны егер білетін болсаңыздар бұл ерікті түрде деп айтқан едік. Енді жаңадан қаулы шықты, вакцина салдыру енді міндеттелді. Ол басқа да вакцина сияқты адамға міндетті түрде салынуы қажет. Егер адам туған кезде БДСЖ немесе басқа да туберкулез, полиомиелитке қарсы вакцина міндетті түрде салынады ғой. Бұл вакцина да енді міндетті түрде салынады, – деді Шымкент қалалық денсаулық сақтау басқармасының басшысы Бақытжан Позилов

Денсаулық сақтау министрлігінің мәліметінше, шынында да, коронавирус «міндетті профилактикалық екпелер жүргізілетін аурулар тізбесіне» енгізілген. Бірақ вакцинаны салғызу, салғызбау әркімнің өз еркінде.

- «Халық денсаулығы және денсаулық сақтау жүйесі туралы» Қазақстан Республикасы Кодексінің 77-бабы 1-тармағының 18-нші тармақшасына сәйкес кез келген медициналық процедура, оның ішінде вакцинация тек адамның келісімімен жүзеге асады. Бас тарту да өз еркінде. Осы негізде Қазақстанда вакцинациядан бас тартқаны үшін әкімшілік немесе қылмыстық жауапкершілік жоқ» -делінген министрліктің ресми хабарламасында.

Мүмкін сізді қызықтыратын тақырыптар:

  • Елге келген қандастардың неше пайызы еңбекке жарамсыз
  • Қазақстандықтарға мемлекеттік қызметтердің жаңа түрлері қолжетімді
  • Мемлекет басшысы Қазақстанның шет елдердегі бірқатар Елшісін тағайындады
  • Ресей: Теракт болған күні Крокустан 5 мыңнан астам адам эвакуацияланған
  • Президент терроризмге қарсы күресте Қазақстанның Ресеймен бірге екенін растады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер