«Visit Shymkent»-тің арқалаған жүгі маңызды

Screenshot_34.png

Шымкент қаласы Туризм және сыртқы байланыстар басқармасына қарасты «Visit Shymkent» туристік ақпараттық орталығы жыл басынан бері 10532 адамға анықтамалық-консультациялық қызмет көрсетті.

«Visit Shymkent» туристік ақпараттық орталығының негізгі мақсаты – туристер мен қала қонақтарына «бір терезе» қағидасы бойынша ақпараттық-консультативтік көмек көрсету. Қала аумағында туристер көп шоғырланатын әуежай, темір жол вокзалы және саябақтарта 7 ақпараттық дүңгіршек қызмет атқарады.

Қалада орналасқан ақпараттық киоскілер тарапынан жыл басынан анықтамалық-консультациялық қызмет көрсетіліп келеді. Оның ішінде АҚШ, Ұлыбритания, Үндістан, Мажарстан, Ресей, Корея, Өзбекстан және т.б. шетелден келушілер де бар. Қонақтарға қала туралы бүктемелер, кітапшалар және карталар таратылып, 115 экскурсия өткен.

Одан өзге, қаладағы туризм саласына қажетті нысандардың жағдайын анықтау үшін түгендеу жұмыстары жүргізіліп, туристік нысандардың дерек қорын жасақтап, сауалнама түзілді. Жалпы, Шымкент қаласының туристік әлеуетін ілгерілету мақсатында жыл басынан бері бірқатар мекемелермен 20 меморандумға қол қойылған.

Туристік ақпараттық орталық тәулігіне 200-250 турист қабылдауға қауқарлы. Орталықта тәулік бойы «Call-centre» жұмыс істейді. Қала тұрғындары мен қонақтарына мегаполистің туристік әлеуеті туралы кәсіби кеңес беріліп, құқықтық және визалық көмек көрсетілуде. Қалаға келуші қонақтар үшін қыдыру турлары ұсынылып, алдын ала брондау қызметі де бар.


Мүмкін сізді қызықтыратын тақырыптар:

  • Цифрландыру - халыққа қызмет көрсету сапасын жоғарылатуда
  • Шымкентте бұқаралық спорт дамып келеді
  • Бос жұмыс орындары жәрмеңкесі өтті
  • Спонсоры строят спортивные площадки
  • «Сделано в Шымкенте»
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер