Абайды дәріптеуде ең алдыңғы рөлде оқулықтар мен шығармалар екені белгілі. Осы мақсатта шымкент қалалық Жастар ресурстық орталығының ұйымдастыруымен "Bookcrossig" жобасы аясында Абай Құнанбаевтың 175 жылдық мерейтойына орай кітаптар сөресі ашылды. Сөреге қазақ, шетел әдебиетінің классиктері мен қатар Абайдың шығармалары және ақын туралы зерттеу туындылары қойылды.
"Bookcrossig" жаңа форматтағыв жобалардың бірі болғандықтан оқырман арасында ерекше қызығушылық тудырды. Мұнда кез-келген оқырман осы кітап сөресінен өзін қызықтырған оқулықты тегін алып оқуына, сонымен қатар ұнатқан кітабын өз қорындағы кітаппен алмастыруына болады.
Жастар ресурстық орталығы басшысының орынбасары Жәни Қамбардың айтуынша , мұндай әдіс көпшілікті кітап оқуға шақыур, үндеуге мүмкіндік береді. Әрі кітап қоры да үнемі жаңарып отырады деп күтілуде.
Айта кетсек, бұл "Bookcrossig" қозғалысының тарихына тоқтала кетсек, ол алғаш рет АҚШ-та пайда болып, қысқа мерзімде көптеген елдерде қолдау тауып, оның мүшелерінің саны қазіргі таңда 1,5 миллионнан асқан.