Конституция күні қарсаңында тұрғын үй кешені пайдалануға берілді

Screenshot_21.jpg

Қазақстан Республикасының Конституциясының 25 жылдық мерекесі қарсаңында Шымкент қаласында «Премьера» тұрғын үй кешені пайдалануға берілді. «Нұрлы жер» бағдарламасы аясында салынған кешен бес қабатты екі тұрғын үйден тұрады. Онда жалпы 80 пәтер бар.

Ашылу салтанатына қатысқан қала әкімі Мұрат Әйтенов жаңа қоныс берекесі мен ырысы мол үлкен ордаға айналуын тілеп, қала тұрғындарын Конституция күнімен құттықтады.

«Алдымен баршаңызды Конституция күнімен құттықтаймын. Ата Заң - біздің күшіміз, біздің қорғанымыз. Және оны құрметтеу бәріміздің парызымыз!. Өздеріңіз білетіндей Шымкентте тұрғын үй құрылысы қарқын алып келеді. Мәселен, өткен жылы тек «Нұрлы жер» бағдарламасы шеңберінде 298 мың шаршы метр тұрғын үй пайдалануға берілсе, осы жылы 104 үй пайдалануға беріліп, 5800 отбасы жаңа пәтерге ие болады»,- деді қала әкімі.

«Премьера» тұрғын үй кешені «Нұртас» шағын ауданында орналасқан. Керамикалық кірпіштен салынған тұрғын үй кешенінің қасбетін әрлеуге травертин қолданылған. Бұл өз кезегінде кешенге классикалық көрініс береді.

Нысан «Бәйтерек ҰБХ» АҚ еншілес ұйымы – тұрғын үй құрылысына кепілдік беру қорының бақылауымен салынды. Құрылыс кезінде 200-ге жуық адам жұмыспен қамтылған.



Мүмкін сізді қызықтыратын тақырыптар:

  • Мұрат Әйтенов: жобалардың саны емес, жұмыстың нәтижесі маңызды
  • Фестивальдер мәресіне жетті
  • Шымкентте жаңа оқу жылы Абай өлеңін оқумен басталды
  • Конституция күні қарсаңында тұрғын үй кешені пайдалануға берілді
  • 600-ге жуық мүмкіндігі шектеулі азамат жұмысқа орналасты
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер