Ақылды құрал суды үнемдейді

 Screenshot_10.png

Шымкентте  «Цифрлық Қазақстан» мемлекеттік бағдарламасы аясында осы жылы кәсіпорындарға 3,7 мың ақылды су есептегіш құралдары орнатылуда.  «Су ресурстары-Маркетинг» ЖШС-ның  басшысы Анарбек Орманның айтуынша коммерциялық құрылымдардың 86 пайызына адам факторының қатысуынсыз қызмет көрсетілетін болады. Алдағы 5 жылда барлық тұтынушыларға ақылды су есептегіштер орнату жоспарлануда екен. 

Бүгінде Шымкент қаласындағы 7243 заңды тұлғалардың 2,5 мың тұтынушысы электрондық басқару функциясы бар «IC-card» ақылды су есептегішті пайдаланып отыр. 

Мекеме басшысы қаланың су жүйесіндегі ақаулар мен жөнделуін және сервисін 100 пайыз автоматтандырсақ қана сапалы қызметке қол жеткізілетінін атап өтті. Сонымен бірге қаланың геопорталына барлық саланың мәліметтері бірегей форматта жиналуы керек, сосын сол жүйені пайдалана отырып әр сала дамуы керек екенін жеткізді.

Мұнда ауыз суды өндіру және жеткізу жүйелерінде қысымды өлшеуге арналған 114 бақылау нүктелері бар. Барлық ақпарат Су Арнасының орталық диспетчерлік қызметіне келіп түседі. Тазарту құрылыстары кешенінде де цифрлық технологиялар жұмыс істейді. Нақты уақыт режимінде агрегаттар мен қондырғылардың жұмысын байқауға болады, соның арқасында айтарлықтай ресурстар үнемделеді. 

Сандық технологиялар кәсіпорын қызметінің барлық салаларында қолданылатынын айтқан серіктестік басшысы цифрландырудың арқасында тұрғындар суды үнемдей бастағанын, халыққа қызмет көрсету сапасы жоғарылағанын айтады. Бұдан бөлек, ол 2025 жылға дейін Шымкент қаласының сумен, кәріз жүйесімен қамтамасыз ету туралы стратегиясына қол жеткізуіміз керек деп атап өтті.


Мүмкін сізді қызықтыратын тақырыптар:

  • Цифрландыру - халыққа қызмет көрсету сапасын жоғарылатуда
  • Шымкентте бұқаралық спорт дамып келеді
  • Бос жұмыс орындары жәрмеңкесі өтті
  • Спонсоры строят спортивные площадки
  • «Сделано в Шымкенте»
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер