Түркістан облысы ПД ЕҚҚІҚБ-ның қызметкерлері Мақтаарал АПБ-ның полицейлерімен бірлесе отырып, өзінің үйінде есірткі егіп, баптаған тұрғынды анықтады. Аталған жайтты ҚР ҚК-нің 300-бабы «Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру» бойынша тіркеп, сотқа дейінгі тергеп-тексерудің бірыңғай тізіліміне енгізді.
Күдікті ер адамның Еңбекші елді мекенінің егістік алқаптарының бірінен газетке оралған күйде есірткі затының дәндерін тауып алып, өзінің үйінің ауласындағы жүгерінің арасына тығып еккені анықталды. Аталған алқаптан 2 түп есірткі өсімдігі тәркіленді. Өз кезегінде тұрғын, аталған есірткіге ұқсас өсімдікті егіп-өсіргенін толығымен мойындайды. Сондай-ақ айғақты зат ретінде алынған өсімдіктерге сот-сараптамалық зерттеу тағайындалды. Сараптама нәтижесімен алынған түптердің жалпы салмағы 25 грамм «сора» есірткі заты болып шықты. Қазіргі таңда сотқа дейінгі тергеу амалдары жүргізілуде, күдіктінің бас шарасы «қолхатта».
Өз кезегінде Түркістан облысының полицейлері заңсыз, құрамында есірткі заты бар өсімдіктерді еккені үшін қылмыстық жауапкершілік қарастырылғанын ескертеді. Оған қоса тәртіп сақшылары есірткінің қоғам дерті екендігін ұмытпай, оны өсіріп, қолданып, тасымалдағандармен күресуді күшейтуде.
Сондықтан Сіз, есірткі бойынша қандай да бір ақпараттарды білсеңіз бірден полицияның «102» нөміріне хабарласыңыз. Бұл өз кезегінде есірткіге байланысты қылмыстардың азаюы мен жолын кесуге септігін тигізеді.
ТО ПД-нің баспасөз қызметі
