Қазіргі заманғы қоғамда волонтерлық қызмет әлеуметтік және мәдени дамудың маңызды бір бөлшегіне айналды. Еріктілердің қолдауымен түрлі жобалар жүзеге асырылып, қоғамдағы өзекті мәселелер шешімін тауып келеді.
Солардың ішінде тілді дамытуға және ұлттық құндылықтарды насихаттауға бағытталған волонтерлардың қызметі ерекше орын алады.
Бүгін Шымкент қаласы ішкі саясат және жастар істері жөніндегі басқармасы тапсырмасымен «Шығармашыл жастар» қоғамдық қорының ұйымдастыруымен өткен «Жас волонтер» жобасының үздіктері марапатталды.
«Еріктілерді барынша қолдаймын. Табанды жұмыстарыңызды қолдаймын. Соңғы жылдары елімізде ауқымды жобалар қолға алынды. Қоғамның түрлі саласында белсенді жұмыс істеп жүр. Себебі еріктілер қатарында қоғамға адал қызмет көрсету біркүндік немесе уақытша жұмыс емес. Әр волонтердің өз еркімен таңдаған өмірлік ұстанымы. Жалпы волонтер болу патриотизмің, яғни отаншылдықтың үлгісі» деген еді Мемлекет басшысы бір сөзінде.
Жобаға қаланың белсенді 14-35 жас аралығындағы жастары қатысып, олардың ұсынған жобалары 1 айдан аса уақыт қаралған. Шараның мақсаты – жастарды волонтерлік қызметке тарту, олардың қоғам алдындағы әлеуметтік жауапкершілігін арттыру болатын. Десе де Шымкентте ерікті болуға ниетті жастар көп болған. Жобаға 25 үміткер қатысқан. 16-ы жоба ұсыныпты. Солардың ішінен медицина, экология, әлеуметтік қызметтер бойынша ұсынған 5 жоба үздік атанды. Жеңімпаздар ұсынған жобалардың қоғамға тигізер пайдасы мен тиімділігіне мән берілген.
«Тарихи-мәдени мұраларды сақтауға және дамытуға қосқан үлесі үшін», «Білімді әйгілеудегі үлесі үшін» деген сияқты номинацияларда шымкенттік еріктілер де белсенді.
Мемлекеттік тілді дамыту – Қазақстанның негізгі стратегиялық бағыттарының бірі. Бұл мақсатта көптеген еріктілер өз уақытын, күш-жігерін аямай, әртүрлі жобаларды ұйымдастырып келеді. Олардың қызметі бірнеше бағытта көрініс табады:
Еріктілердің қатысуымен тегін қазақ тілі курстары жиі өткізіледі. Бұл курстар тек тілдік білім берумен шектелмей, қазақ халқының мәдениеті мен дәстүрлерін танытуға да бағытталған. Көптеген шетелдіктер мен өзге ұлт өкілдері осы курстар арқылы қазақ тілін меңгеріп, ұлттық құндылықтарды терең түсіне бастайды.
Цифрлық дәуірде еріктілер қазақ тілін насихаттау мақсатында әлеуметтік желілерде арнайы жобалар жүргізеді. Олар мемлекеттік тілде қызықты контенттер жасап, жастар арасында тілге деген қызығушылықты арттыруға үлес қосады. Мысалы, тіл үйрену туралы қысқа бейнероликтер, подкасттар және викториналар ұйымдастыру – волонтерлардың ерекше идеяларының бірі.
Еріктілер балабақшалар мен мектептерде ұлттық ойындар мен ертегілерді дәріптеу, тіл үйренуге арналған ойындарды ұйымдастыру арқылы өскелең ұрпаққа қазақ тілін меңгерудің маңыздылығын түсіндіруде.
Ұлттық құндылықтарды сақтау және насихаттау – ұлттың болашағының негізі. Бұл салада да волонтерлардың қызметі ерекше бағаланды. Олар тарихи мұраларды сақтау, дәстүрлі өнерді дамыту және рухани байлықты жастар арасында тарату бағытында көптеген шаралар өткізеді.
Еріктілер ұлттық мерекелер мен мәдени іс-шараларды ұйымдастырып, халық арасында ұлттық дәстүрлерді жандандыруға үлес қосып келеді. Мейрамдар мен айтыс, ұлттық тағам фестивальдері сияқты шараларда еріктілердің еңбегі көрініп тұрады.
Волонтерлар ұлттық қолөнер, киім тігу, және дәстүрлі музыкалық аспаптар жасау сияқты іс-шараларды ұйымдастырып, жастарды ұмыт болып бара жатқан өнер түрлерімен таныстырып та жүр.
Тарихи ескерткіштерді қалпына келтіру, мұражайларға көмек көрсету, археологиялық қазба жұмыстарына қатысу – волонтерлардың ұлттық құндылықтарды сақтаудағы айқын үлесі.
- Волонтерлардың тілді дамытуға және ұлттық құндылықтарды насихаттауға қосқан үлесі қоғамымыздың рухани байлығын арттыруға бағытталған маңызды қадамдардың бірі. Олардың еңбегі тек ұлттық мәдениетті сақтау ғана емес, сонымен бірге халықтың бірлігін нығайтуға, жас ұрпақтың отансүйгіштік сезімін қалыптастыруға ықпал етеді. Бұл бағыттағы жұмыстардың дамуы – болашақта ұлттың өзіндік келбетін сақтау мен ұрпақтар сабақтастығын қамтамасыз етудің кепілі, - дейді «ASAA» жастар қоғамдық бірлестігі төрайымы Данара Саранова.
Осындай мүмкіндікті қалт жібермей өзінің қабілетін ғана емес, өзгенің де қабілетін арттыруда жұмыс жасап жүрген Шымкенттік белсенді - Данара Саранова. Ол өз ілімі мен білімін өзгелерге үйретуде.
Шымкент – Қазақстанның рухани және мәдени орталықтарының бірі. Қала еріктілері қоғамдағы әлеуметтік мәселелерді шешумен қатар, қазақ тілін дамыту мен ұлттық құндылықтарды насихаттауға белсенді үлес қосып келеді. Еріктілердің тілді қолдау және насихаттауға бағытталған жобалары түрлі форматта жүзеге асырылып, қала тұрғындарының, әсіресе жастардың, қызығушылығын тудырып отыр. Шымкенттің белсенді жастары ұйымдастырған бұл жоба қазақ тілін үйренуге ниеттілерге арналған тегін курстарды қамтиды. Курстар барысында қатысушылар қазақ тілінің грамматикасын, сөйлеу мәдениетін, және қазақ халқының ұлттық ерекшеліктерін терең меңгереді. Бұл бастама арқылы басқа ұлт өкілдері мемлекеттік тілде еркін сөйлеуге мүмкіндік алып қана қоймай, қазақ мәдениетімен жақынырақ танысуда. Волонтерлар жастар арасында танымал TikTok, Instagram және Telegram платформаларында қазақ тілін насихаттайтын жобалар жүргізеді. Бұл қозғалыс аясында еріктілер тіл үйренушілерге арналған қысқа бейнероликтер, қызықты ойындар, қазақ мақал-мәтелдері мен жаңылтпаштарды қолдану бойынша челендждер ұйымдастырады. Мақсат – жастар арасында қазақ тіліне деген қызығушылықты арттыру.
Шымкент волонтерлары мектеп оқушылары мен балабақша тәрбиеленушілеріне арналған арнайы клубтар құрып, қазақ тілін ойын түрінде үйретуді қолға алды. Бұл клубтарда ертегілер оқу, ұлттық ойындар ойнау және шығармашылық сабақтар өткізіледі. Атап айтқанда, балалардың қазақ тілін үйренуі мен мәдени мұраларды түсінуін жеңіл әрі қызықты ету мақсатында "Қазақ ертегілері күні" секілді шаралар тұрақты түрде ұйымдастырылады.
Шымкентте еріктілердің бастамасымен қазақ тілін қолдау мақсатында семинарлар мен тренингтер жиі өткізіледі. Бұл іс-шараларда лекторлар қазақ тілінің маңыздылығы, оны заманауи қоғамда дамыту жолдары туралы пікір алмасады. Әсіресе, жастарға қазақ тілінде сөйлеудің артықшылықтары туралы түсіндіру ерекше назарға алынған.
Шымкенттік волонтерлар қазақ халқының дәстүрлері мен мәдениетін таныстыру үшін арнайы іс-шаралар ұйымдастырады. Бұл шаралар қазақ тілін дамытуға да тікелей ықпал етеді. Мысалы: Ұлттық тағам фестивальдері, онда тағам атаулары мен олардың тарихы тек қазақ тілінде түсіндіріледі.
Дәстүрлі өнер түрлері бойынша шеберлік сыныптары, қатысушыларға қазақша сөйлеу тәжірибесін береді.
Қала волонтерлары әлеуметтік желілерде қазақ тілін үйренуге арналған ерекше челлендж бастады. Қатысушылар күн сайын бір жаңа қазақ сөзін жаттап, оны сөйлеуде қолдану бойынша бейнеролик жариялайды. Бұл жоба қазақ тілін меңгергісі келетіндер үшін мотивациялық платформаға айналды.
Еріктілер сауда орталықтары, дәмханалар мен қоғамдық орындарда қазақ тілін белсенді қолдану акцияларын өткізеді. "Қазақша қызмет көрсетейік" атты бастамамен тұрғындарды қазақ тілінде сөйлесуге шақырып, арнайы ақпараттық материалдар таратады.
Шымкент волонтерларының қазақ тілін дамытуға арналған жобалары елдің мәдени-рухани дамуына зор үлес қосуда. Олар тілді насихаттауды тек білім беру мен оқыту арқылы емес, заманауи трендтер мен шығармашылық тәсілдерді қолдану арқылы жүзеге асырып, қоғамда қазақ тілін қолдаудың жаңа толқынын қалыптастыруда. Бұл бастамалар болашақта мемлекеттік тілдің мәртебесін нығайтуға және оны күнделікті өмірде қолдану деңгейін арттыруға ықпал ет
Марапаттау рәсімінде жалпы сомасы 1 миллион теңгені құрайтын гранттар табысталып, волонтерлер өз жобаларын маңызды бағыттар бойынша дамытуға мүмкіндік алды.
Жеңімпаздар арасында Әбдімәлік Әбдінәбиев отбасымен бірге қатысып, қарттарға арналған жобасын ұсыныпты. Тағы бір жеңімпаз «Мен донормын» акциясын ұйымдастырған.
-Медицинада көп жағдайда қан жетіспеушілік туындап жатады. Осы тұрғыда бүкіл еліміз бойынша мүмкіндігі шектеулі, науқас балалардың базасын құрып, сол балаларға қан керек кезде көмектесеміз деп шештік. «Мен донормын» акциясы да осы мақсатта өтті. Бүгін осы жобамыз көпшіліктің көңілінен шығып, жеңімпаз атанды, - дейді «Сәби үміті» қайырымдылық қорының құрылтайшысы Жазира Тілеубергенқызы.
Ұйымдастырушылар жоба аясында волонтерлік қызметті одан әрі дамытуға ерекше назар аударып отыр. Олардың айтуынша, бұл бастама жастардың әлеуметтік жобаларға қатысуын арттырып қана қоймай, олардың көшбасшылық дағдыларын қалыптастыруға септігін тигізеді, жастарды жаңа белестерге жетелейді және олардың қоғамдағы рөлі мен маңыздылығын арттырады.
«Жас волонтер» жобасы аясында алдағы уақытта да түрлі іс-шаралар мен тренингтер ұйымдастырылмақ.
