«Шымкент жастар лигасы» - сәтті жобалардың бірі

Screenshot_18.png

Ел Тәуелсіздігінің 30 жылдығына орайластырып ұйымдастырылған «Шымкент жастар лигасы» спорттық сайысы жылдың ең сәтті әлеуметтік жобаларының бірі болды. Өскелең ұрпақты отаншылдыққа тәрбиелеуде және салауатты өмір салтын насихаттауда  жобаның маңызы ерекше. Шымкент қаласы әкімінің бірінші орынбасары Шыңғыс Мұқан қаланың стратегиялық дамуы аясында атқарылған жұмыстар бойынша өткізген баспасөз брифингінде осылай деді. 

"Қала тарихында алғаш рет қолға алынған ауқымды спорттық шара мектеп оқушыларының бос уақытын ұйымдастыру, бұқаралық спортты дамыту және ҚР чемпионаттарына команда жасақтау мақсатында өткізілді. Оған 140 білім ұйымынан 536 команда жасақталып, 8 569 оқушы қатысты. Спорттың футбол, волейбол, баскетбол түрлерінен, сонымен бірге интеллектуалдық шахмат ойындарынан өтті. Жеңімпаз төрт команданың әрқайсысына демеушілер есебінен 20 млн. теңге көлемінде ақшалай сыйлық, ал фан-клубтарына велосипедтер тарту етілді. Қала әкімі Мұрат Дүйсенбекұлы «Шымкент жастар лигасы» жобасының келесі жылы да жалғасатынын айтты. Демек, бұл – бұқаралық спортқа серпін беретін болашағы бар жоба, – деді Шыңғыс Жұмабекұлы. 

Айта кетейік, «Шымкент жастар лигасы» – еліміздің өзге өңірлерінде де көпшіліктің қызығушылығын арттырған әрі салауатты өмірді насихаттауға септігін тигізген бірегей жоба. Үш айға созылған спорт додасының алғашқы кезеңі 1 маусымда өз мәресіне жетті. Лиганың нәтижесінде шахматтан І орынды №1 А.С.Пушкин атындағы мектеп-гимназиясы жеңіп алды. Ал баскетболдан №8 М.Х.Дулати атындағы үш тілде оқытатын мамандандырылған мектеп-гимназиясы, волейболдан № 64 Ж.Аймауытов атындағы мектеп-гимназиясы және футболдан № 87 А.Назарбеков атындағы жалпы орта мектебі жеңімпаз атанды. Сондай-ақ фан-клуб тар арасындағы бәсекеде № 65 Ы.Алтынсарин атындағы мектеп-гимназиясы үздік шықты. 


Мүмкін сізді қызықтыратын тақырыптар:

  • «Жеті жарғы» Мәртөебедегі мәслихатта қабылданды
  • «Мамыр өте Мәртөбеге кел!»
  • Шымкент инвесторлар үшін тартымды қала
  • Үшінші мегаполисте тауар қоры жеткілікті
  • Шымкентте заманауи өрт сөндіру депосы пайдалануға берілді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер