Шымкент әкімі шағынаудандардың тұрғындарын тыңдады

68756130_2283843178595302_6246187512851595264_n.jpg

Бүгін Шымкент қаласының әкімі Ерлан Айтаханов Әл-Фараби ауданына қарасты «Бадам» мен «Сәуле» шағынаудандары және «Текесу» тұрғын алабының тұрғындарымен кездесіп, инфрақұрылым мәселелерін талқылады.

Тұрғындар қала басшысына ауыз су, абаттандыру, сапалы электрмен жабдықтау, жаңа мектеп салу секілді проблемаларын айтты.

Ерлан Қуанышұлы кездесу барысында шеттегі елдімекендерді қалалық орта интеграциясына жақындату үшін жұмыс істейтінін атап өтті.

– Бүгінде Түркістан облысынан қала аумағына қосылған 41 елдімекеннің инфрақұрылымын дамытуға Президент Қасым-Жомарт Тоқаевтың өзі назар аударып, осы бағыттағы жұмыстарды жандандыруды тапсырды. Алдағы уақытта шеткі аймақтарды дамытуға басымдық беріледі, – деді Шымкент әкімі.

Сонымен қатар, шаһар басшысы салалық басқарма басшылары мен аудан әкіміне аталған елдімекендердің инфрақұрылымына назар аудару керектігін айтты. Бұдан басқа, қоғамдық көліктің жүру бағыттарын тұрғындардың талаптарын ескере отырып, қайта қарауды тапсырып, атқарылған жұмыс бойынша халықтың алдында есеп беру қажеттігін міндеттеді.


®RG media - ақпараттық агенттігі
Бөлісу тақырыбы: Шымкент әкімі шағынаудандардың тұрғындарын тыңдады