Түркістан облысында 3 рет пәтер ұрлығы мен 1 рет тонау бойынша сотты болған ұры қолға түсті. Бұл туралы облыстық Полиция департаменті баспасөз қызметі хабарлайды.
Ордабасы Аудандық полиция бөліміне жергілікті тұрғын хабарласып, белгісіз білеулер үйінен әшекей бұйымдары мен ноутбугын ұрлап кеткенін жеткізеді. АПБ қызметкерлері аталған жайтты ҚР Қылмыстық кодексінің 188-бабы «Ұрлық» бойынша тіркеуге алып, іс қозғайды. Жәбірленушіге келтірілген шығын 245 000 теңге. Тұрғынүйге ұрлыққа түсушілерді анықтап, қылмысты ашу мақсатында тәжірибелі де білікті полицейлерден арнайы топ құрылған. Олар жедел-іздестіру шараларын жүргізіп, жақын маңдағы бейнебақылау камералары арқылы күдіктінің ізіне түседі. Нәтижесінде күдікті өз туысының үйіне қонаққа келген шардаралық тұрғын болып шыққан. Осылайша күдіктінің жеке басы бойынша 3 рет пәтер ұрлығы және 1 рет тонау бойынша сотты болғандығы анықталды. Қылмыстық іздестіру нәтижесінде күдікті таңертеңгі уақытта үй иесінің жоқтығын пайдаланып, ұрлыққа түскен. Бүгінде, ол қамауға алынып, тергеп-тексеру амалдары жүргізілуде. Тәртіп сақшыларының айтуынша, оның басқа да қылмыстық істерге қатысы болуы мүмкін.
