«Шымкент кашемир» сапалы шұлық өндіреді

Screenshot_9.jpg

Шымкент қаласының әкімі Мұрат Әйтенов жергілікті өнім өндірушілерді қолдап, оларды әлеуметтік желісінде насихаттап отырады. Жақында ол Instagram парақшасында "Шымкентте жасалған" топтамасы бойынша "Оңтүстік" индустриалды аймағында орналасқан "Шымкент кашемир" серіетестігінің жұмысын жариялады. 

"Шымкент кашемир" серіктестігі төрт түліктің жүнін жуып, түтіп, жіп иіретін фабрика. Мұнда қой, ешкі, түйе жүндерін өңдейді. Әуелі әкелінген жүн сұрыпталып, арнайы құрылғыға салынып әбден жуылады. Жуылғанда да 5 кезеңнен тұратын күрделі тазалаудан өтеді. Одан кейін әбден кептіріліп шығарылады. Лүпілдеп таза күйге енеді. 

Цех ішінде тігін және тоқыма жұмыстары жүргізіледі. Мұнда 1 жастағы баладан бастап 59-шы аяқ өлшеімне дейінгі шұлықтар тоқылады. "Шымкент-кашемир" ЖШС операторы Гүлшат Бекмұратованың айтуынша, мұнда жұмыс жүйеленген. 

- Станоктар 10 жұп шұлықты бума-бума қылып алдыма алып келеді. Шұлықтардың ауыздары жабық болады. Мен оны станоктың көмегімен аузын тіліп, жууға жіберемін, - дейді Гүлшат Бекмұратова. 

Түйе және қой жүнінен тоқылған шұлықтардың сапасы өте жоғары. Әсіресе адам денсаулығына пайдасы зор. Жүннен тоқылған шұлық жылуды жақсы сақтайды, аяқты терлетпейді және иістендірмейді. Бағасы да қолжетімді. Мысалы қой жүнінен тоқылғаны - 700-900 теңге арасында болса, түйе түбітінен жасалғаны -  1200 теңге тұрады. 

Фабрикада күнінен 1000-1200 жұп шұлық өндіріледі. Жылына 500-600 мың жұпқа дейін шығарылады. Бұл шұлықтар Қазақстанның барлық аймағына таратылады. Ал тазартылған жүндер Италия, Германия, Қытай елдеріне экспортталады. 

"Шымкент кашемир" өндіріс басшысы Тоқтаған Біржангүлдің айтуынша, жүннен тоқылған шұлықтар ылғалды ұстап қалады. Оны өткізбейді. Шұлықтар екіге бөлінеді, 70 пайыз жүннен жасалғаны және 100 пайыз жүннен жасалғаны. 100 пайыз жүннен жасалған шұлық қымбаттау тұрады. 

Аталған фабрика тек Шымкент емес, Қазақстан нарығында биіктен көріну үшін бірнеше жылдан бері белсенді жұмыс істеп келеді.

Мүмкін сізді қызықтыратын тақырыптар:

  • Өзбекстанда М.Әуезов атындағы ОҚУ-дің филиалын ашу жайлы кездесу өтті
  • Үміт үзбе
  • «Ақжар» қосалқы станциясы келесі жылы пайдалануға беріледі
  • Қала әкімі «Көмеш бұлақ» базары аумағындағы автотұрақты көшіруді қолдады
  • Қала әкімі Үндістан Республикасының елшісімен кездесті
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер