Шымкент қаласында цифрландыру басқармасы құрылды

Шымкентте қалалық үш басқарманың атауы өзгерді. Бұл мәселе қалалық мәслихаттың кезектен тыс қырық төртінші сессиясының күн тәртібінде қаралды.

1549280917.jpg

Шымкент қаласының әкімі Ғ.Әбдірахымов пен мәслихат хатшысы Ғ.Ташқараевтың қатысуымен, М.Битеміровтың төрағалығымен өткен сессияда қала әкімі аппаратының басшысы Е.Әлімқұлов басқармалардың атаулары өзгергені туралы хабарлама жасады. Қалалық әкімдіктің бұл ұсынысына депутаттардың ешбірі қарсылық білдірген жоқ. Бір ауыздан қолдады.

Сонымен, Шымкент қаласының туризм және сыртқы байланыстар басқармасы – Шымкент қаласының турзим басқармасы, Шымкент қаласының мәдениет және тілдерді дамыту басқармасы – Шымкент қаласының мәдениет, тілдерді дамыту және архивтер басқармасы, Шымкент қаласының ақпараттандыру, мемлекеттік қызметтер көрсету және архивтер басқармасы – Шымкент қаласының цифрландыру басқармасы болып қайта құрылды.


®RG media - ақпараттық агенттігі
Бөлісу тақырыбы: Шымкент қаласында цифрландыру басқармасы құрылды