Шымкент қаласы бойынша «Азаматтарға арналған үкімет» филиалы жаңа туған нәрестелерге қойылатын ең танымал есімдердің рейтингін жасады деп жазады ҚазАқпарат. Қыз балалар арасында үздік үштікке Адия-Бегім, Медина және Сафина есімдері кірсе, ұл балалар арасында Ақжүрек, Балмейір және Мұрагер есімдері ең көп қойылған.
Жыл басынан бері Шымкент қаласында 3 мыңнан астам ата-ана туу туралы куәлікті онлайн форматта рәсімдесе, 958 өтінім ХҚКО арқылы берілген. Ал өткен жылы ХҚКО арқылы 10 мыңнан астам нәрестеге туу туралы куәлік берілген болса, 36 мыңнан астам құжат онлайн форматта рәсімделген.