Шымкен қаласында тұрғындармен кері байланыс жасау жұмыстары қарқын алуда. Арнайы мамандар тікелей эфирге шығып, Еңбек кодекс туралы түсіндірме жұмыстарын жүргізді. Еңбек инспекциясы және көші-қон басқармасы ҚР Еңбек кодексінің нормаларының сақталуын қадағалау мақсатында Facebook, Instagram әлеуметтік желілері арқылы тұрақты түрде тікелей эфирде түсіндіру жұмыстарын жүргізуді қолға алған.
Сонымен қатар, тікелей эфир барысында жеке және заңды тұлғалар тарапынан келіп түскен сұрақтарға да тиісті жауаптар беріп, олардың құқықтары мен міндеттерін айқындап береді.
Осы жылдың 21 мамырында әлеуметтік желілерде тікелей эфир арқылы ҚР Еңбек кодексінің 15 тарауы, «Еңбек саласындағы әлеуметтік әріптестік» бойынша баптарға жеке-жеке тоқталып, тұрғындарға түсіндірме жұмыстарын жүргізді. Өз кезегінде тұрғындар да Шымкент қаласының Еңбек инспекциясы және көші-қон басқармасының бұл жұмыстарын жоғары бағалап, өздеріне қажетті мәліметтерге қанық болғандарына ризашылықтарын білдірді. Бұл тұрғындармен кері байланыс жасап жатқан Еңбек инспекциясының түсіндірме жұмыстары оң нәтиже бергенін аңғартады.