Тарихты түгендеу жалғаса береді

Screenshot_12.jpg

Шымкент қалалық әкімдігінің ішкі саясат және дін істері басқармасының "Рухани жаңғыру" бөлімінің меңгерушісі Зәуре Оралбаева саяси қуғын-сүргін құрбандарын еске алу күніне орай өзінің пікірін жазып қалдырды.

31 мамыр күні 1997 жылдан бері қайғы мен қасіреттің белгісіндей атап өтіліп келе жатыр. Бұл - негізінен мереке емес, саяси қуғын-сүргін құрбандарын еске алу күні.

Бүгінде біздің өңірімізде де сол саяси зобалаңның құрбаны болған қазақтың қаймақтарының, небір асыл азаматтарының ұрпақтары тұрады. Республикадағы жалғыз мұражай Шымкентте орналасқандықтан, еліміздің түкпір-түкпірінен біздің өңірге, "Қасірет" мемориларына зобалаңда опат болған азаматтардың ұрпақтары келеді, музейдің қызметкелерімен жыл он екі ай байланыста болады.

Биылғы жағдайға байланысты онлайн іс-шаралар өтпек. Күні кеше "Жасықсыз құрбан болған қайран жұртым" деген онлайн дөңгелек үстел өтті. Сол жиында Л.Гумилев атындағы Еуразия Ұлттық университетінің ғалым-мамандары, саяси қуғын-сүргін құрбандарының ұрпақтары байланысқа шықты. Қазіргі таңда қандай ғылыми жұмыстар жүріп жатқанын баяндады. Жергілікті тарихшы-ғалымдар да "АЛЖИР" әйелдер лагеріне қатысты мәліметтерімен бөлісті. Бұрын жарияланбаған деректерді айтты.

Расында да зұлмат жылдар құрбандарына қатысты арнайы мемлекеттік комиссияның құрылатыны - құптарлық жағдай. Мемлекет басшысының бұл мәселеге баса көңіл аударғаны қуантады, себебі, бұл бағыттағы жұмыстар әлі де жалғасып, көп зерттеу жүргізу қажет. Көрші елдермен байланысып, ондағы архивтерде жатқан мәліметтерді зерттеу қажет деп ойлаймын.



Мүмкін сізді қызықтыратын тақырыптар:

  • Өзбекстанда М.Әуезов атындағы ОҚУ-дің филиалын ашу жайлы кездесу өтті
  • Үміт үзбе
  • «Ақжар» қосалқы станциясы келесі жылы пайдалануға беріледі
  • Қала әкімі «Көмеш бұлақ» базары аумағындағы автотұрақты көшіруді қолдады
  • Қала әкімі Үндістан Республикасының елшісімен кездесті
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер