Қазіргі таңда коронавирус тақырыбы өршіп, өзекті мәселеге айналып отырған жайы бар. Бүгінде адам саны көп орналасқан Еңбекші ауданындағы кәсіпкерлік нысандарда халық арасында коронавирус инфекциясының алдын алу және таралуына жол бермеу мақсатында арнайы мониторингтік топ тексеру жүргізді. Мақсаты – қаладағы адам көп шоғырланатын қызмет көрсететін орындардың қаншалықты карантиндік талаптарды сақтауын бақылау.
Мониторингтік топтың тексеру барысында 34 коммерциялық құрылымға ескерту берілді. Сонымен қатар. Еңбекші аудандық тауарлар мен көрсетілетін қызметтердің сапасы мен қауіпсіздігін бақылау басқармасы тарапынан карантин режимін бұзған 4 коммерциялық құрылымға хаттама толтырылды.
- Қаладағы эпидемиологиялық ахуал әзірге күрделі. Сондықтан да, барша қала тұрғындарын коронавирус инфекциясының таралуының алдын алуда зор жауапкершілік танытып, енгізілген шектеулерді қатаң сақтауға шақырамыз. Бұл - уақытша қиындық. Сондықтан сабыр сақтап, саналы түрде өз денсаулығымыз бен жақындарымыздың амандығы үшін жұмыла күресейік,- дейді мониторингтік топ өкілдері.
Бүгінде қала тұрғындарын вирустан сақтау мақсатында қоғамдық орындарда санитарлық талаптарды сақтау маңызды. Егер сақталмаған жағдайда кәсіпкерлік нысанның жұмысын тоқтатуына тура келеді.