Үшінші мегаполисте жаңа басқарма! 2020 жылы 15 маусымда Шымкент қаласы мәслихатының кезектен тыс алпыс алтыншы сессиясында Шымкент қаласы ішкі саясат және дін істері басқармасының ішінен дін істері функциясы алынып, жаңадан «Шымкент қаласының дін істері басқармасы» құрылды. Сондай-ақ, Ішкі саясат басқармасының құрамына жастар бөлімі енгізіліп, Шымкент қаласының ішкі саясат және жастар істері жөніндегі басқармасы болып қайта құрылды.
Отбасы, балалар және жастар істері жөніндегі басқармасының жастар істері бөлімі ішкі саясат басқармасына қосылуының негізігі себебі бір бағытта жұмыс жасауы болып отыр. Яғни, бірлікте біршама маңызды іс-шаралар мен тәрбиелік мәні мол жұмыстарды жасау басты мақсатқа айналып отыр. Жастар саясатын жүргізу ішкі саясат басқармасының құзырына қарайтын болғандықтан біріктірілді.
Сонымен қатар Шымкент қаласы мегаполис статусын алғанға дейін (2018 жыл шілде айы) жастар істері жөніндегі бөлім ішкі саясаттың құрамында болған. Отбасы, балалар және жастар істері жөніндегі басқарманың қалған бөлімдері Білім басқармасының құрамына енгізілді.