Үшінші мегаполисте «Covid-19 Шымкент» сайты ашылды. Бұл туралы бүгін Шымкент қаласының әкімі Мұрат Əйтеновтің қатысуымен эпидемиологиялық жағдайға байланысты қаладағы дəрі-дəрмек бағасын бақылау, сондай-ақ ашылған провизорлы орындар жəне өкпені механикалық желдету аппаратымен науқастарды қамтамасыз ету жөнінде өткен брифингте айтылды.
М.Дүйсенбекұлының айтуынша, аталған сайтта шаһардағы эпидемиологиялық жағдай кезіндегі барлық ақпараттар, ігдетпен күресте атқарылып жатқан шаралар және өзге де шұғлы ақпараттар жедел түрде тарқатылмақ. Аталмыш сайтқа тұрғындар кез-келген уақытта кіріп, қажетті, шынайы ақпараттарды ала алады. Осы ретте қала басшысы медицина қызметкерлерін қолдау мақсатында 2 764 ақ халатты жандарға 780 млн теңге еңбек ақыларына үстемеақы төленіп, ал Халық қоры және демеушілер есебінен 935 медицина қызметкеріне 42,4 млн теңгеге материалдық көмек көрсетілгенін жеткізді.
Қалада арнайы ақпарат берілетін портал жайлы айтқан әкім қала тұрғындарын ресми мәліметтерге сүйенулерін сұрады. Тұрғындарға 5 шілде күні енгізілген қатаң шектеу шараларына түсіністікпен қарап, осындай қиын кезеңде дүрбелеңге салынбай, сақтық шараларын ұстануға шақырды.