2023-2025 жылдар аралығында Түркістан облысында 89 мектеп салынады. Ол білім ұяларында 72 мыңға жуық оқушы білім алады.
Бүгінде өңірде білім ұяларының жобалары, жер телімдері, құжаттарын әзірлеу жұмысы басталған. Сауран ауданында үш ауысымды мектептерді, апатты жағдайдағы білім сынадарын, саман кірпіштен салынған орта білім ошақтарын жою, жақын елді-мекендерге оқушылар тасымалдау, оларды автобуспен қамту ісі жанданып келеді. Оның ішінде жақын ауылдарды сараптап, жақын елді-мекендерде оқушыларды автобуспен тасымалдауға басымдық берілуде. Инвесторлар есебінен жеке меншіктегі мектептерді көбейту де басты назарда.
Негізінде Түркістан облысында 2023 жылы – 2, 2024 жылы – 31, 2025 жылы – 56 мектепті пайдалануға беру жоспарланғанын айта кетуіміз керек. Ең көп мектеп қажеттілігі бар аудан, қалаларға тоқталсақ, Түркістан қаласында 8 мектеп бой көтереді. Сонымен бірге Келес ауданында – 8, Сайрам ауданында 12, ал сауран ауланында 8 мектеп салынады деп күтілуде. Ал осы жылы
Сауран ауданында 2022 жылы бірқатар заманауи үлгідегі мектеп пайдалануға берілсе, соның бірі – 400 оқушыға арналған «Жаңа Иқан» мектебі. Жаңа Иқан ауылындағы жаңа мектептердің физика, химия, информатика, биология кабинеттері , жалпы материалдық-техникалық базасы заман талабына сай жабдықталған. мұнда 400 жасөспірім білім алып жүрса,, 50-ге жуық ұстаз, 10 кіші қызметкер еңбек етеді.
Осындай орта білім беретін білім ошағы «Дарын KZ» мектебі екенін де айта кеткен жөн. Мұнда да 300-ден астам оқушы қабылданып, 40-қа жуық ұстаз бен 10 кіші қызметкер жұмысқа қабылданған болатын. аталған білім ошақтарынан саурандықтар білімді де дарынды ұрпақ тәрбиеленіп шығатынына сенімді. Жаңа, іші заман талабына сай безендірілген, қыста жылы мектеп оқушылар білім алуы үшін өте қолайлы. Аудан құрылғалы бері бірнеше жаңа мектептің ел игілігіне ұсынылуы білім саласында игі істер атқарылып жатқанын айғақтайды.
Ал 200 орындық «Дара бала» бастауыш мектеп- балабақшасы заман қажеттілігінен бой көтерген нысан. Ол аудан орталығы Шорнақ ауылдық округінде орналасқан. «Дара бала» бастауыш мектеп-балабақшасында қазақ, орыс сыныптары, ұзартылған күн тобы, сонымен қатар балаларды түрлі өнерге баулитын домбыра, шахмат, би секілді сан түрлі үйірмелер жұмыс істейді. Алдағы уақытта робототехника үйірмесін жетілдіру де қарастырылған. Сондай-ақ, балаларды тасымалдайтын арнайы көлік қызметі ұсынылған.
