Сауран аудан әкімдігінің мәжіліс залында аудан әкімі Ғани Рысбековтың төрағалығымен Сауран ауданы әкімдігінің жанындағы құқық бұзушылық профилактикасы жөніндегі ведомствоаралық комиссия отырысы болып өтті. Мәжіліске ауылдық округ әкімдері, дербес бөлім басшылары қатысты.
Комиссияның күн тәртібіндегі мәселелер бойынша Сауран аудандық полиция бөлімі бастығының бірінші орынбасары А.Сапарбеков баяндама жасады.
Оның айтуынша, Сауран ауданында әкімшілік айыппұлды өндіру бойынша 2022 жылдың 8 ай көлемінде жалпы 2894 әкімшілік хаттама анықталып, 126 «Ескерту» шарасы көріліп, 38,630,424 теңге айыппұл салынып, нәтижесінде 18,596,263 теңге өндірілген. Сонымен қатар, жеке сот орындаушыға мәжбүрлі түрде өндіру үшін әкімшілік құқық бұзушылық туралы хаттаманың 862 данасы жолданған. Ал, ҚР ӘҚБтК-нің 608 бабы бойынша 34 әкімшілік хаттама толтырылып, Түркістан қалалық мамандырылған әкімшілік сотына жолданған. Әрбір дерек бойынша 15 тәуліктен әкімшілік қамауға алынып, көлікті басқару құқығынан 7 жыл мерзімге айырылған.
Бұдан кейін жеке адамдарға қарсы қылмыстық құқық бұзушылықтардың алдын алу, оның ішінде ауыр қылмыстардың профилактикасы бойынша Сауран АПБ-нің жеке құрамы арасынан КПБ, ЖПҚБ УПИ, ТБ, ҚР ҚР-сы ІІМ-нің Мүлікті қорғау жөніндегі 2021-2023 жылдарға арналған бағдарламасын Сауран ауданында іске асыру бойынша нақты жұмыстар атқарылуда.
Сауран ауданында орын алған мал, пәтер, ұялы телефон, қалта ұрлықтары сияқты бөтеннің мүлкін ұрлау қылмыстары көптеп орын алатын жерлердің барлығына қызметкерлер бөлінген. Сонымен қатар ақша айналымы болатын базарларға сауда орталықтарына күзетшілер мен дабыл қаққыш орнату қажеттігі жайында тапсырмалар беріліп орындалып жатқанын жеткізді. Сауран ауданы көлемі арқылы өтетін жолдардан жүк артатын автокөліктерге және мал артып бара жатқан автокөліктерді тоқтатып, малдардың құжаттарын тексеру нәтижесінде ҚР-сы ӘҚБтК-нің 406-бабы мен хаттама толтырылғанын атап өтті.
Жиын соңында аудан әкімі Ғ.Рысбеков күн тәртібінде қаралған мәселелер бойынша қажетті ұсыныстарын білдіріп, алдағы уақытта бұл бойынша барлық салаға бірлесіп жұмыс жүргізуді тапсырды.
