Шымкент қалалық Ішкі саясат және жастар істері жөніндегі басқармасының ұйымдастыруымен «Отбасындағы зорлық-зомбылықсыз Қазақстан» жобасы аясында қаламыздағы орта арнаулы оқу орындарының студенттеріне консультациялық кездесулер мен әлеуметтік сауалнама жүргізілді. Бұл туралы Шымкент Ақпараттық-коммуникациялық орталығы хабарлады.
Іс-шараның мақсаты – отбасылық-тұрмыстық зорлық-зомбылықтың алдын алу, ақпараттық насихаттық жұмыстарды ұйымдастыру болып табылады.
Тұрмыстық зорлық-зомбылық – ауыр әлеуметтік салдары бар проблема. Ол өз алдына тек жәбірленушілердің құқықтарын бұзып қана қоймай, өскелең ұрпақ үшін теріс үлгі болып келеді. Президент Қасым-Жомарт Тоқаевтың бастамасымен соңғы жылдары осы бағытта тың жобалар қолға алынуда.
Қазіргі таңда жалпы алғанда «Шымкент көпсалалы колледжі», «Shymkent жоғары педагогикалық колледжі», «Жол-көлік колледжі» МКҚК, М.Сапарбаев институтының «Парасат» колледжі ЖМ, М.Тынышпаев атындағы Қазақ көлік және коммуникациялар академиясының Шымкент көлік колледжі, «Оңтүстік Қазақстан жоғары медициналық колледжі» ЖШС, КЕАҚ «М.Әуезов атындағы Оңтүстік Қазақстан университеті колледжі», «Болашақ» жоғары колледжі, Техникалық колледжі жеке мекемесі, «Отырар» колледжі, «Авиценна атындағы жоғары медициналық колледжі» ЖШС студенттеріне 500-ден астам ақпараттық кітапшалар мен 1000-нан астам әлеуметтік сауалнамалар жүргізілді.