Миллион тұрғыны бар Шымкент қаласында болашақта көп қабатты үйлер көптеп салынатын болады. Себебі статусына сай мегаполисте жер үйлерге қарағанда көр қабатты үйлер басым болуы қажет. Қазіргі таңда шаһардың 60 пайызын жер үйлер құрайды. ҚР Сәулетшілер одағы Түркістан облыстық филиалының төрағасы Асқар Мамырбаев қалада көлік кептелісін шешудің бір жолы 20 мың немесе 30 мың адамдық ықшамаудандар салынатын болса, соның ішінде адамдардың демалуын, жұмыс істеуіне қолайлы жағдай жасалу керек. Сонда қаладағы кептелістің болмауының басты кепілі сол дейді. 40 жылдық тәжірибесі бар сәулетші: «Сырттан келетін әуе, теміржол көліктері үшін екінші әуежай мен теміржол вокзалы салынбаса, жолаушылар нөпірін ретке келтіре алмаймыз. Ал, автокөліктер қалаға оңай кіріп шығуы үшін айналма жолдар салып, қала ішіндегі жолдарды кеңейткен жөн. Міне, сонда ғана мегаполис халқы ыңғайлы жағдайда өркениет игіліктерінің рахатын сезінетін болады»,- дейді.