Әрбір адам жеке тұлға ретінде дамуы керек. Адам өзін-өзі жетілдіру үшін ата-ана тәрбиесімен қатар ортаның, қоғамның да ықпалы болуы керек. Әрбір адамға әлеуметтік- психологиялық көмек көрсетілуі тиіс. Бұл туралы Елбасы Жолдауларында әрдайым айтып келеді. Осы орайда Шымкентте заманауи психологиялық дамыту орталығы ашылды. Ұйым - «SEAR PSYCHOLOGY» компаниясының таңдаулы жобасы. Мұнда келушілерге қоғамдық психология мен өзін-өзі дамыту бойынша келелі кеңестер беріледі.
Халықаралық SEAR компаниясының сертификатталған филиалы соңғы бес жылда әлемнің беделді бес елінде табысты еңбек етіп, халықтың өмір сапасын арттырған. Орталықта шет мемлекеттерде білім алған мамандар қызметтің кең таңдауын ұсынады.
Сонымен қатар, бұл орталықта заманауи технологиялар мен әдістер ұсынылады. Мәселен, зейініңізді ашып, есте сақтау қабілетіңізді арттыратын әлемдік №1 компьютерлік бағдарлама бар. Есту терапиясы мен психомоторлы жаттығулар, ми гимнастикасы логикалық ойлауыңызды дамытады.
Орталық өз кезегінде адамдардың өмір сапасын жақсартып, кәсіпкерліктің дамуына да ат салыспақ.