Шымкент қаласы Полиция департаменті Жергілікті полиция қызметі басқармасының қызметкерлерімен жол қозғаласының қатысушылары арасындағы көлік тәртібін арттыру, жол-көлік оқиғасын төмендету, сондай-ақ жол жүрісі қағидаларын бұзудың алдын алу мақсатында 24-28 шілде аралығында «Қауіпсіз жол» жедел-профилактикалық іс-шарасы өткізді.
Нәтижесінде қоғамдық көлік жүргізушілерімен жасалған жалпы 2950 әкімшілік құқықбұзушылық анықталды. Оның ішінде 27 автокөлік техникалық байқаудан өтпеген, 269 жаяу жүргіншілердің жол ережесін бұзған, 119 азамат көлік құралын басқару кезінде ұялы телефон пайдаланған, 228 азамат қауіпсіздік белдігін тақпаған. Маневр ережесін бұзудың – 34, қозғалыстың қарсы жолағына шығудың – 5, бағдаршамның тыйым салу сигналына өтіп кетудің – 29, жаяу жүргіншіге басымдық бермеудің – 21, авариялық жағдай туындатудың – 2, теміржол өтпелерінен өту қағидаларын бұзудың – 7, көлік құралын мас күйде басқарудың – 6, көлік құралын басқару құқығы жоқ адамның басқаруының 24 жайты анықталып, хаттамалар толтырылды.
Шымкент қаласы Полиция департаменті азаматтарды жол қозғалысының ережелерін қатаң сақтауға шақырады.