Мегаполисте бақылаусыз мал союға болмайды

67979460_2284307665215520_8460789306275921920_n.jpg

Еліміздің үшінші қаласында мал тиісті орындарда ветеринар мамандардың бақылауымен сойылуы қажет. Бұл туралы Шымкент қаласы ауыл шаруашылығы және ветеринария басқармасы ветеринария және тамақ өнімдерінің қауіпсіздігін бақылау бөлімінің басшысы Манарбек Ержігітов мәлімдеді.

Шымкентте заңсыз мал союды, сатуды тоқтату және ветеринариялық-санитариялық қауіпсіздікті қамтамасыз ету мақсатында қала тұрғындарына ақпараттық-түсіндіру жұмыстары жүргізілуде. Қалалық ветеринария және СЭС саласының мамандарының, сонымен қатар мал сою бекеттерінің өкілдері қатысқан жиында осы талаптарды сақтау жөнінде бірқатар мәселелер талқыланып, зерделенді.

Бүгінде Шымкентте талапқа сәйкес 8 мал сою бекеті жұмыс істейді. Ветеринария және тамақ өнімдерінің қауіпсіздігін бақылау бөлімінің басшысы Манарбек Аманқұлұлының айтуынша мал сою бекеттерінде арнайы еттің сапасын тексеретін зертхана болуы тиіс. Ең басты мәселе – азық-түлік қауіпсіздігі. Бұл бағытта тәртіп сақшылары да белсенді жұмыс істеуі қажет. Бүгінде М.Х.Дулати көшесіндегі заңсыз мал союшылардың ісі сотқа өткен.


®RG media - ақпараттық агенттігі
Бөлісу тақырыбы: Мегаполисте бақылаусыз мал союға болмайды