Жаңа Конституция жобасында халықтың мемлекеттік биліктегі рөлі мен орны айқын әрі нақты белгіленген. Ата Заңда «Қазақстан халқы – мемлекеттік биліктің бірден-бір бастауы және егемендік иесі» екендігі ерекше атап көрсетілген.
Бұл қағида мемлекеттің барлық саяси-құқықтық жүйесінің негізін құрайтын басты конституциялық ұстаным болып табылады.
Аталған нормаға сәйкес, мемлекеттік биліктің қайнар көзі – халық. Яғни, елдегі барлық билік институттары өз қызметін халықтың еркі мен мүддесіне сай жүзеге асыруға міндетті. Бұл өз кезегінде мемлекет пен қоғам арасындағы өзара сенімді нығайтып, басқару жүйесінің заңдылығы мен әділеттілігін қамтамасыз етеді.
Халықтың егемендік иесі ретінде танылуы – мемлекеттің тәуелсіздігі мен тұрақтылығының маңызды кепілі. Бұл қағида азаматтардың ел өміріндегі маңызды шешімдерге қатысу мүмкіндігін айқындап, олардың мемлекет ісіндегі рөлін күшейтеді. Сонымен қатар, бұл норма мемлекеттік биліктің халық алдындағы жауапкершілігін нақтылай түседі.
Жаңа Конституция жобасында көрсетілген бұл ұстаным Қазақстан Республикасы дамуының демократиялық қағидаттарға негізделгенін айқындайды. Халықтың мемлекеттік биліктің бірден-бір бастауы ретінде танылуы – құқықтық мемлекет құру жолындағы маңызды қадамдардың бірі болып табылады.
Осылайша, жаңа конституциялық нормалар мемлекеттің басты құндылығы халық екенін тағы бір мәрте нақтылап, елдің егемендігі мен тұрақты дамуына берік негіз қалайды.
