Шымкентте «Тәуелсіздікке 20 жыл» тұрғын алабы екі аптаға толығымен карантинге жабылғаны белгілі. Осы тұста қиын сәтте халыққа қолдау көрсету мақсатында көрсеткен «Nur Otan» партиясы ұйымдастырған «Біз біргеміз!» республикалық акциясының аясында 107 жағдайы төмен отбасыға азық-түлік себеттері тегін таратты.
«Тәуелсіздікке 20 жыл» тұрғын үй алабында қазіргі таңда 716 тұрғын үйде үш мыңға жуық тұрғын бар. Олар өздеріне берілген тапсырманы орындап, тәртіпті сақтап, үй карантинінде отыр. Аталған аумақтың тұрғындарына тегін бетперделер таратылып, әскерилер мен коммуналдық сала мамандары күніне 2-3 мәрте дезинфекция жұмыстарын жасайды. Сонымен қатар, шағын ауданда 132 аз қамтамасыз етілген, 96 көп балалы отбасы өмір сүреді.
«Тәуелсіздікке 20 жыл тұрғын алабы короновирус инфекциясына байланысты 14 күнге карантинге жабылғаны белгілі. Біз осы қиын кезеңде әлеуметтік тұрғыда әлжуаз отбасыларға барынша қолдау көрсетіп жатырмыз. Елбасы тарсырмасымен ұйымдастырылған«Біз біргеміз!» республикалық акциясының аясында 107 (616 адам) жағдайы төмен отбасыға азық-түлік себеттері тегін таратылды. Сонымен қатар 716 отбасыға 40-50 пайыз жеңілдікпен картоп, пияз, сәбіз, май, ұн ұсынылды»,- деді ақпараттық коммуникациялар орталығында өткен брифинг барысында Шымкент қаласы Абай ауданының әкімі Бұхарбай Парманов.