Көмек қолын созуға дайын

Screenshot_6.jpg

«Үкімет белсенді шаралар қабылдап жатқанымен біз қалаларымыздың негізгі көшелерінде мұндай бетперделерді азаматтарымызға тегін тарататындай жағдай жасаумыз керек. Бұл Үкімет алдында тұрған жедел әрі шұғыл шара саналады» деп Президент Қасым-Жомарт Кемелұлы айтқандай, елдің бірлігі мен бауырмалдығы көрінетін дүрбелең шақта үшінші мегаполис еріктілері қала халқына қызмет етіп жатыр. 

Бүгінде шымкенттік ерікті жастардан құралған топтар халық денсаулығына алаңдаушылық білдіріп отыр. Қазіргі кезде тапшылық тудырып отырған медициналық маскаларды тігіп көмектесіп жатқан жастар көп. Сонымен қатар, адам көп шоғырланатын жерлерде короновирус індетінің қаншалықты қауіпті екенін, ол кеселге қалай тап болмау керегін түсіндіріп жүргендер де ерікті азаматтар мен азаматшалар. 

«Еріктілер қазір адам көп жерлерге, белгіленген орындарға бөлініп кетті. Және біздің еріктілер маска тігуге, антисептик жасауға көмектесуде. Көптеген тұрғындар өкінішке орай, аурудың күрделілігін түсінбей, еркін жүрген кісілер де бар. Сондай кісілерге аурудан қалай сақтану керектігін айтып, көмектесіп жүрміз», - дейді Шымкент қаласы еріктілер корпусының президенті Жасмин Ашимова.

Қаланың адам көп шоғырланатын орындарында олар «Mega Pharma» ұйымдастырған #Бізбіргеміз челленджімен халыққа маска мен балаларға арналған аскорбин қышқылдарын таратып шықты.

Мүмкін сізді қызықтыратын тақырыптар:

  • Шымкентте сакура гүлдеді
  • Агенттік өкілдері жемқорлар ұрланған ақшаны көбінесе қайда жұмсайтынын айтты
  • Садрадиннің Шымкентте өткен концертінен шу шықты
  • Шымкентте саябақтардың орнына тұрғын үйлер салынбайды
  • Шымкентте Наурызды тойлауға 151 млн теңге бөлінді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер